Page 30 - MIN.ALEX SCHWENGLE

No perde e Celebrity Fitness Challenge diasabra den Caya
Grandi

Thursday, 08 December 2016 19:58
Comparti

Despues di eventonan exitoso den fin di siman pasa, Caya Grandi ta preparando pa otro tremendo
dianan di compras cu actividadnan di ‘T’Aki Tin’. Probecha di ofertanan, disfruta di un tremendo
ambiente y tambe yuda nos comunidad, tur den Caya G.F. Betico Croes.

Diasabra lo tin un evento unico cu ta organisa pa prome biaha na Aruba; esey ta e Celebrity Fitness
Challenge. Rond di 20 celebridad di nos isla, for di radio, television, musica, deporte y mas; ta bay reta
otro na haci ehercicionan di CrossFit. Pa cada movecion haci, un suma di placa ta bay pa fundacion
Imeldahof. Tur cos ta bay cuminsa for di 12’or di merdia riba Plaza Nikki Habibe caminda e gym Muscles
& Lungs hunto cu High Performance ta bay tin un booth prepara. Algun di e figuranan conoci cu ya caba
a confirma nan participacion ta Juan Carlos Ventura, miho conoci como Sonrri di Caliente FM, e
medayistanan internacional di Taekwondo y Kickboxing Chiarra y Sophia Petrochi, atleta di MMA Evan
Nedd, Ministernan di Gobierno di Aruba, cantante Rocco Flava y henter e front di Buleria, Ron Martis,
Janiro Eisden, Miss Aruba Charlene Leslie, atleta Quincy Breel y hopi mas. Pa e animacion musical ta
conta cu tres DJ hopi gusta, Stickysoundz, Nutzbeatz y DJ Sky. Kier men ambiente ta bay tin y abo tambe
por participa dor di bin reta un di e celebridadnan of reta un amigo of famia. Pa completa e esfera di
movecion y bida saludabel, Purely Green tambe lo tey cu un stand ofreciendo cuminda y bebidanan
saludabel. E Celebrity Fitness Challenge ta un produccion di Ministerio di Asuntonan General, Ciencia,
Innovacion, Desaroyo Duradero, Sector Primario y Cultura bou liderazgo di Minister President Mike
Eman den cooperacion cu Oficina di Innovacion, OBID, oficina di BoBario, comerciantenan di Caya
Grandi, Lungs & Muscles y High Performance entre otro.