Page 46 - MIN.ALEX SCHWENGLE

Roque Dirksz a bay cu VUT entrante 1 di december 2016

Thursday, 08 December 2016 20:34
Comparti

Dia 30 di November 2016 ultimo Sr. Roque Dirksz a celebra su ultimo dia di trabow hunto cu su
Coleganan na Gele Koorts Muskieten Bestrijding.
Sr. Roque Dirksz ta hasi uso di VUT regeling entrante 1di december 2016. Sr. Roque Dirksz a traha mas
di 40 aña den Gobierno den diferente funcion.
Sr. Roque Dirksz a cuminsa traha dia 10 di Oktober 1974 na “Openbare Leeszaal en Boekerij” den
Wilhelminastraat, caminda awor ta Alegemene Rekenkamer.
Na December, 1979, Sr. Roque Dirksz a haña e oportunidad pa core stage pa 3 luna na Biblioteca Publico
(Centraal) na Nijmegen. Sr. Dirksz ta haña un studie opdracht na Augustus 1980 y ta bai Hulanda y ta
termina cu exito su MBO den ramo di “Bibliotecologia” Na 1990, Gobierno ta bolbe ofrece Sr. Roque
Dirksz un Studie-opdracht pa sigi su estudio di “Bibliotecaris” y na aña 1992, Sr. Roque Dirksz ta termina
su estudio di Bibliotecaris HBO cu exito. Durante su periodo di estudio na Hulanda, Sr. Roque Dirksz a
sigi tambe su estudio di Hoger Management Opleiding (HBO), cual tambe e la termina exitosamente. Na
aña 1994, Sr. Roque Dirksz a wordo ofrece pa bai traha na oficina di Prome Ministro, Sr. Henny Eman.
Durante Gab. Henny Eman 2, Sr. Roque Dirksz a haña e oportunidad unico pa core stage pa 2 siman na
oficina di Minister President Wim Kock na Binnenhof, afdeling RVD y tambe a core stage un siman na
Tweede Kamer. Na aña 1997 Sr. Roque Dirksz a bai traha na Ministerio di Salud Publico serca Dr. Ike
Posner. Despues di e periode di Gab.Eman 2 y 3, Sr. Roque Dirksz a opta pa bai cu B.v.v.d. zonder salaris
pa un periode di 5 aña. Na aña 1994, Sr. Roque Dirksz y famia a cumpra un franquicia di Pest Control
“Terminix Internacional” waak: www.terminix.com
pa Aruba y Curacao. Sr. Roque Dirksz a specialisa tambe den combati control di Plaga (Pest Control) y a
core stage na Memphis, Tennessee, Miami y diferente luganan na Merca. Na aña 2002, Sr. Roque Dirksz
a cumpra e franquicia di Pest Control pa Puerto Rico y a habri esaki na Ponce, Puerto Rico. Durante su
presencia na Puerto Rico, Sr. Roque Dirksz a probecha pa sigi cursonan intensivo ariba tereno di
“Entomologia”, cual ta e estudio di insektonan y specialmente “Sangura” Despues di un aña, Sr. Roque
Dirksz a sera “Terminix Ponce” y a bai establece na Curacao y habri Terminix Curacao” y pa e
siguente 4 añanan a opera su negoshi di Pest Control cu exito. Lamentablemente ora cu e 5 añanan di
b.v.v.d. zonder salaris a termina, Sr. Roque Dirksz a sigi su curazon y a bai traha back na Aruba na
Biblioteca Nacional. Durante su carrera na Biblioteca Nacional, Sr. Roque Dirksz a ocupa diferente
funcion importante..Durante su carrera den Gobierno, Sr. Roque Dirksz a sigui numeroso cursonan e.o.
PR, PZ, Time Management, Human Resourses, Methodologia, Project Management, Cursonan di
Computer, Marketing, mucho hopi pa nombra tur.
Na Januari, 2011, Ministro Visser di Salubridad Publico tabata busca un Director nobo na Gele koorts
Muskieten Bestrijding y considerando e experticio di Sr. Roque Dirksz ariba tereno di “Entomologia” y
control di Plaga (Pest Control) a apunta Sr. Roque Dirksz como director di GKMB. Asina Sr. Roque
Dirksz a tuma e reto y a bai traha na GKMB desde Januari 2011 te cu awor. Cu tur su experiencia, Sr.
Dirksz a sabi di baha e indexnan di kriadero y a introduci un campaña Nacional pa consientisa henter e
pueblo di Aruba ariba e risico di e malesa di Dengue, Chikungunia y Zika. Sr. Roque ta lagando un dept.
di GKMB hopi bon prepara y cu hopi experencia cu hopi paisnan rond di nos ta waak nos como modelo
con pa controla y trata presencia di sangura aki na Aruba. Durante di su areglo di VUT, Sr. Roque Dirksz
lo no para keto, pero lo ofrece su experiencia ariba e tereno di Pest Control, ofreciendo servicio di calidad