Page 25 - AWEMAINTA

Diahuebs, 28 Maart 2019 AWEMainta
Por lo pronto nan lo ta fo’i sirkulashon
Fiskal Hato Willems a pidi kastigu
bon haltu pa kuarteto atrakadó
WILLEMSTAD. E kuarteto di atrakadó:
Jersino Louisa di 25 aña di edat,
Walid Eddine di 21 aña di edat,
Willy Constanza Almonte di 22 aña di edat i nasé na
Santo Domingo i
Danilo Josephia di 23 aña di edat
a presentá den sala di korte djamars pa tratamentu di
nan kaso.
Fiskal a pidi un total di 33 aña kombiná pe kuarteto aki.
Dos atrako armá e grupo aki a tira dia 21 di ougùstùs
2018, promé na e restorant “Kibbeling”situá riba Cara-
casbaaiweg i despues na Steenrijk Minimarket.
E akusado Danilo Josephia ta esun ku a manehá e ve-
híkulo, un Toyota ku a sirbi pa transportá e atrakadónan
di manera ku nan por a tira e atrakonan. Nan tabata
armá ku arma di kandela i a menasá esnan ku tabata na
e sitionan kaminda a tira atrako.
Walid Eddine ta esun ku a bula riba tonbank kana bai
pa kue plaka for di kaha. E otronan a para ku arma di
kandela den man menasando doño, trahadónan i klien-
tenan presente.
Nan tabata ku kara tapá i a bai prepará na e sitio.
Na e restorant “Kibbeling” nan a logra hòrta únika-
mente 300 florin, tarheta di banko, telefon mobil, pòt-
mòni konteniendo pas di banko, karchi di Fun Miles,
karchi di Goisco, pas di SVB, lotto strep, mas 100 dòler
merikano i 150 florin.
Ku e botin aki e kuarteto no tabata nada satisfecho i
mesora a disidí ku ta bai pa un siguiente atrako, anto
esaki tabata na Steenrijk Minimarket, kaminda a saka
e lachi di plaka di BAB, konteniendo sumanan di 300
pa 400 florin bai kuné.
E atrako na Kibbeling tabata entre kuartu pasá di 8 pa
mitar di 9 di anochi, siendo ya pa kuartu pa 9 nan ta-
bata na Steenrijk Minimarket kometiendo e siguiente
atrako.
Na restorant “Kibbeling” a grita “Plaka, plaka”, indi-
kando ku ta trata aki di atrako i instruyendo ku mester
para ketu pa por a ranka tas di un señora bai kuné.
Ademas a pone arma di kandela na kabes di un di e
presentenan, tur esaki pa por a bai ku e lachi di e kaha
Corsou 25
di plaka. Vários deklarashon di testigu tabatin di perso-
nanan ku tabata na e sitio.
Den sala di korte djamars ningun di e atrakadónan a
atmití ku nan tabatin arma di kandela, pero segun e
testigunan esei sí tabata e kaso.
Ku eksepshon di Walid Edinne, tur a ninga di a drenta
den e restorant pero testigunan a splika ku ta 3 atrakadó
a kana drenta i lógikamente e di 4 a keda sinta warda
den outo.
Na Steenrijk Minimarket atrobe e mesun modus ope-
randi, pero aki a atendé ku komersiantenan chines. Otro
biaha tabata Walid Edinne ku a bula riba tonbank i kue
e lachi di e kaha di plaka bai kuné.
E arma di kandela, segun outoridatnan tabata un pistol
marka Walther P5 ku su patronchi kaliber 38 i Jersino
Louisa lo ta esun ku tabatin e arma di kandela, ounke el
a ninga redondamente.
Ampliamente wes mr. H.A.C. Smid a para ketu na e
situashon di kada atrakadó i a resultá ku Jersino Louisa
tin un pasado kriminal kaba i ku pa kolmo e tabata den
su periodo di prueba na momento ku el a kometé e atra-
konan.
Di algun di e atrakadónan a resultá ku nan ta uzadónan
ferviente di mariwana.
E akusado Willy Constanza Almonte a komportá su
mes malu den prizon, a grita palabra malu i a bringa
indikando ku e ta un malvado total.
Final di kuenta fiskal a pidi wes pa konfiská e vehíkulo
ku nan a uza pa tira e atrakonan i tambe saka e arma di
kandela for di sirkulashon.
E kastigunan demandá ta lo siguiente:
* Pa Walid Eddine 8 aña di prizon, kitando e periodo ku
el a pasa den aresto preventivo.
* Pa Willy Contanza Almonte 8 aña di prizon, kitando
e periodo ku el a pasa den aresto preventivo.
* Pa Jersino Louisa 9 aña kastigu di prizon, mas 6 luna
di e kastigu bieu ku ya tabata kologá riba su kabes.
* Pa Danilo Josephia 8 aña kastigu di prizon, kitando e
periodo ku el a pasa kaba den aresto preventivo.
Wes a keda ku 10 di aprel pa 13.30’or lo e dikta senten-
sia.