Page 10 - AWEM5MAY

10 AWEMainta Diabierna, 5 Mei 2017

Aruba a pone krans

riba Dodenherdenking

na Waalsdorpervlakte

DEN HAAG - Un delegacion di Gabinete di
Minister Plenipotenciario, encabesa pa studiantenan
Arubiano, a pone un krans n’e monumento na Waals-
dorpervlakte riba “Dodenherdenking” diahuebs 4 di
mei 2017. Tambe presente tabata e esposa di Minister
Plenipotenciario Amy Yrausquin/Roos y famia.

Prome cu esaki a tuma lugar un encuentro na Cas di
Aruba. Directora di Gabinete di Aruba Shandra John
a yama e publico presente y a bisa di ta contento pa
mira asina hopi studiante presente.
Sra. John a bisa cu e conmemoracion riba “Dodenher-
denking” na Waalsdorpervlakte ta un lugar y monu-
mento cu un nificacion special, pasobra e monumento
ta n’e sitio unda durante di Dos Guera Mundial hopi
persona cu tabata forma parti di e resistencia contra
di e ocupacion Aleman a wordo fusila.
Entre nan e hoben Arubiano Boy Ecury, kende hunto
cu otro miembronan di resistencia a haya su morto
pa medio di un peleton di bala dia 6 november 1944.
Finalmente Shandra John a bisa cu ta importante pa
di e manera aki tene na bida e memoria y e storia di
bida di Boy Ecury.
Despues tabatin presentacion di e documentario “A
Royal Affair”. E documentatio aki a wordo traha
riba peticion di ex Gobernador di Aruba sr. Fredis
Refunjol y e video ta duna un bista durante siglonan
e nificacion di Aruba pa cu Reino Hulandes.

N’e monumento na Waalsdorpervlakte e studian-
tenan Arubiano Victor Jarzagaray y Britney Koolman
a pone un krans acompaña p’e demas studiantenan,
Shandra John, Amy Yrausquin y famia y Ivonne Na-
vas di Departamento di Enseñansa di Cas di Aruba
Na final e studiantenan a expresa di a haya e con-
memoracion uno hopi interesante y conmovedor.

(Fotonan cortesia di Jos van Leeuwen)

S.E. (Sidney) Kock