Page 36 - AWEM5MAY

36 AWEMainta Diabierna, 5 April 2017

Diadomingo 2 Juli Radio-telethon LUNA di mei ta habri cu e partipacion por medio di un
“Fatima ta di nos dos” rueda di prensa, brinda dor di e comision di Parokia di
Dakota, anunciando su evento pa recauda fondo p’asina
por restaura Misa Birgen di Fatima na Dakota.
dilanti di C.B. Dakota E comision organizador a dicidi di organisa Radio-Teleton,

danki n’e cooperacion di mayoria di e medionan di comuni-
cacion local cu a extende nan man pa yuda Parokia di Dakota.

Den e rueda di prensa a ilustra por medio di potret
cu e infrastructura di e Misa den su totalidad ta
den un estado y situacion basta penoso y delicado.
Por lo tanto e comision di e parokia cu ta consisti di dos
(2) parti, ambos ta traha den forma bolunatrio.
E comision “Renobacion” ta consisti di Shon Pe Krozendi-
jk, Vanessa Croes, Dina Arends, Elda de Cuba, Daniel
Aquirre, Martica Franken, Olga Marin, Moises Fernandez,
Jose Jabe, Marjolein Tromp, sigui p’e di dos comision cu
t’e team cu ta consisti di entre otro: Elva Angela, Indira
Abath, Judeska Winklaar, Evelien Steba y Melvin Garcia.

Den combersacion cu Relacionista Publico di e Parokia,
Shon Pe Krozendijk el a duna nos di compronde cu enber-
dad e situacion di Misa Birgen di Fatima ta basta fastioso y
nan ta recuri n’e comunidad p’asina recauda e fondo nece-
sario pa haci e trabao di restauracion completo di e Misa.
Tambe el a bisa cu nan tin 3 aña caba recaudando fondo
p’asina por cumpli cu e compania cu a ser apunta pa haci
e trabao grandi aki.

“No ta facil, e situacion cu e Misa ta den djie actualmente.
Nos ta y lo sigui trahando duro tur dia p’e bon causa’ki.
Pesey, ta haci un yamado p’e fecha 2 juli pa Aruba ta pre-
sente dilanti Centro di Bario Dakota. Nos ta spera hopi
hende bin haci nan contribucion maske ta un (1) florin,
ya cu cada florin ta conta”, esaki ta loke Shon Pe a señala.
Dakota riba su mes ta un distrito basta grandi, si mester men-
ciona e.o.: Simeon Antonio, Cas di Paloma, Mahuma, Parki-
etenbos, Wayaca, Plantersrust, Primavera, Sabana Blanco,
Barcelona, Tarabana (parti nobo), Cumana, Meiveld, San
Barbola, Potrero (Tarabana bieu), Mon Plaisir (un parti),
Camacuri y Sabana Berde ya caba e spectrum ta uno grandi.

Rev. Pastoor Daniel Szpila a duna su aprobacion com-
pleto p’asina organiza e evento bao di e dos (2) comis-
ion nan institui p’asina e comunidad di Aruba haci nan
contribucion e diadomingo ey. E evento ta inicia for di
10’or di mainta y ta finaliza atardi pa 6’or, riba e par-
keerplaats di Centro di Bario Dakota, cu Dino Jump,
diferente atraccion pa mucha, feria culinario, cos du-
shi, musica di diferente artista y banda local entre otro.
Rev. Pastoor Daniel Szpila hunto cu e comision no
ta spera nada otro cu dia 2 juli lo ta uno exitoso.

Sin duda algun mester gradici tur esnan cu di un manera
of otro ya caba ta cooperando, aportando, contribuyendo y
yudando den nan forma p’asina tin un dia exitoso. E mesun
exito cu a costumbra cune e ultimo 3 aña’ki dilanti misa,
manera e feria chikito, pero e biaha aki esaki lo ta hopi
mas grandi p’asina Aruba completo haci nan contribucion
pa restaura e Misa den su totalidad. Corda cu “Fatima ta
di nos dos”…