Page 80 - KPA
P. 80
Ladron a cay den boca di Leon
Monday, 20 February 2017 20:04
Comparti
Dialuna atardi algo despues di 5or un patruya di Polis a topa cu un adicto ambulante di habla Spaño
canando den Frankrijkstraat net na altura di e oficina di Recherche di Polis.
E ta pushando un garoshi cu dos compressor di airco aden. E sospechoso tabata strobando trafico tambe
como cu e tabata memey caminda pushando su garoshi. Polis a par’e y a puntra unda el a haya e
compressornan y e no por a duna cuenta. Polis a detene riba sospecho di ladronicia y a transport’e pa
Warda di Polis pa mas investigacion. E homber no tabata sa cu e oficina grandi unda antes tabata AZV pa
e ultimo añanan ta oficina di Recherche, pues el a cana su cu compressornan cay den “boca di Leon”.
