Page 13 - MIN JUS - 1st JUNE 2017

Evelyn Wever-Croes (MEP): AVP Ta Traha Ley Di

Integridad Pa Acomoda Nan Minister Di Labor Kende

Ta Sospechoso

- 01/06/2017

Parlamento a trata e ley di iniciativa di AVP tocante integridad. Un ley cu fraccion di
MEP tabata sigur inclina pa sostene te ora cu Marlon Sneek a bin cu un cambio p’asina
acomoda e Minister di Labor di AVP, drs. Paul Croes. Lider di MEP, sra. Evelyn Wever-
Croes ta splica e motibo pa cua nan no a bay di acuerdo cu e ley aki.

“Tanto na Corsou como otro caminda den Reino, na momento cu un Minister ta
sospechoso di un delito serio, e mester tuma su retiro. Na Aruba e mayoria den
comunidad tambe ta di e opinion ey. Pero AVP a bin cu un areglo den e ley aki, pa na
Aruba nos desvia di esaki. Y esaki solamente pa acomoda e Minister di Labor di AVP,
drs. Paul Croes, kende awor ta sospechoso di corupcion. Esey t’e motibo cu nos di MEP
no por a bay di acuerdo cu e ley aki.

E cambio aki di e ley ta un contradiccion, pasobra e ley ta basa riba casonan di corupcion,
pero ora e Minister ta un sospechoso, e por keda cu vacacion cu pago pa un tempo
indefini.

Pueblo lo mester warda te ora MEP drenta den Gobierno, pa realmente nos mira leynan di
integridad.

Nos ta politiconan cu ta bisa loke nos ta haci y haci loke nos ta bisa. Awe nos a mira cu
AVP ta bisa un cos, pero ta haci otro cos”, lider di MEP Evelyn Wever-Croes a duna di
conoce.

http://awemainta.com/evelyn-wever-croes-mep-avp-ta-traha-ley-di-integridad-pa-acomoda-nan-
minister-di-labor-kende-ta-sospechoso/