Page 7 - MIN JUS - 1st JUNE 2017

Parlamentario Clarisca Velasquez (AVP): Dicon MEP

Mes No A Traha Un Iniciativa Di Ley Riba Screening

Di Minister Si Nan Ta Contra Y Ta Critica Tur Ley

 Politica
- 01/06/2017

Un Parlamentario tin e autoridad sagrado pa entrega un iniciativa di ley na
Parlamento. Esey ta parti di su trabao y su autoridad como Parlamentario.
Marlon Sneek di fraccion di AVP a cuminsa traha rib’e iniciativa di ley aki na aña
2014 ya cu mester bin cu e tipo di leynan aki pa salvaguardia cu Aruba tin
Ministernan integro y cu tin ley cu ta screen Ministernan, segun Parlamentario
Velasquez.

Awor cu Marlon Sneek a traha 3 aña rib’e ley y awor cu e ta cla pa trata y aproba
den Parlamento, no ta bon pa MEP. MEP a critica y hasta a vota contra e ley aki
cu excusa cu e ta contra constitucion. Con e ley aki por ta contra constitucion si
ta experto huridiconan di Directie Wetgeving a conseha y yuda traha rib’e ley aki,
e Parlamentario ta splica.

Awor dicon MEP mes cu tambe tin e mesun derecho / autoridad sagrado pa bin
cu un iniciativa di ley no a bin cu un ley pa screen Minister? Pero awor si ta
balente pa critica y hasta vota contra e ley aki. Cu e ley aki nos ta un paso mas
dilanti pa nos tin Ministernan integro den Gobierno.
Bo no por ta critica y bo mes no ta bin cu iniciativa di ley pa screen Minister.
Loke MEP mester haci ta yega trabao y traha. Y no bin critica ora otro si ta traha,
Parlamentario Velasquez ta conclui.

http://awemainta.com/parlamentario-clarisca-velasquez-avp-dicon-mep-mes-no-a-traha-

un-iniciativa-di-ley-riba-screening-di-minister-si-nan-ta-contra-y-ta-critica-tur-ley/