Page 48 - AHATA

PR di AAA NV, Hendrick Croes, a expresa cu esaki tabata un proyecto cu a cay den bon
tera cerca hopi persona cu ta gusta saca potret y cu tin e pasion pa aviacion.

Aña pasa a cuminza cune y nan a pone informacion ariba nan canalnan di social media

indicando cu AAA NV tabata acepta aplicantenan cu kier a forma parti di “Spotters Day
2018″.

Croes a bisa cu den nan concepto, Aruba ta un di promenan den e region di Caribe cu

tin areanan den aeropuerto unda fotografonan por saca potret di avion. Pero no tabata
existi un dia unda cu ‘spotters” por bay na aeropuerto ariba e area cu normalmente no
ta permiti pa saca potret, pero a haci uso di e momento aki pa saca potret.

Asina a organiza e prome “Spotters Day” cu a tuma lugar dia 11 di Augustus 2018,
unda cu e diferente unitnan a traha hunto. A percura pa e mas di 40 spotter cu a aplica
y a scoge 10 di nan pa haya e oportunidad pa bay ariba ‘airside’ pa asina por a saca
potret.

Tur a haya un ‘safety training’ prome cu subi e ‘airside’. Cu e seguridad aki a haci
“Spotters Day” dia 11 di Augustus y seguidamente e 10 spotters mester a manda nan 3
mihor potret.

Croes a laga sa cu e potretnan a wordo poni ariba Facebook pa asina e votamento por a
tuma lugar.

E dies spotter tabata: Garrick Lacle, Luigi Petrocchi, Hyro Oduber, Rachid L., Jesus
Nava, Jean Pierre Maduro, Luis E. Garcia, Hussam Koolman, Jessica de Cuba y Cristian
Hernandez.

Despues di e votacion, Jean Pierre Maduro a resulta e “Best Spotter” pa loke ta
“Spotters Day 2018″. Como premio, el a haya un expo na aeropuerto unda 10 di su
potret, cu e ta scoge, lo wordo mustra na publico den e sala di expo, cual ta ubica
entre e Gates 4-5 y Gate 2.

“Como 1 di e aeropuertonan lider den Caribe, continuamente nos ta purba crea
oportunidadnan nobo pa haci nos posicion como aeropuerto mas fuerte den e industria
y mantene e toke competitivo. Aunke hopi aeropuerto den Caribe ta conoci pa nan