Page 6 - MIN VOS

ompetencia di landamento celebrando nos dia nacional
Himno y Bandera lo ta 25 y 26 di maart

Tuesday, 21 March 2017 10:16
Comparti

E aña varios federacion deportivo a opta pa celebra nos dia nacional Himno y Bandera e weekend aki
organisando nan evento deportivo mirando e schedule ocupa di siman pasa.

Un di e federacionnan aki ta Arubaanse Zwembond cu lo celebra Himno y Bandera, diasabra 25 di maart
y diadomingo 26 di maart proximo. Nan lo organisa dos dia di competencia pa tur e clubnan miembro,
esaki den Piscina Olimpico Roly Bisslik na Savaneta. Riba ambos dia e competencia lo inicia pa 9:30 am
di mainta. Lo por competi den e categorianan di 6 aña y menos, 7-8aña , 9-10 aña, 11-12 aña, 13-14 aña,
15- 17 aña y 18 aña y ariba y lo tin relays den tur categoría. Mester bisa cu lo bay tin premio den tur
evento cu medaya pa e promer tres puestonan den e eventonan di 50m, 100 m y estafette. Club nan
participante lo Aruba Dolphins, The Orcas, Sports4U y Stingray Swimming. Un danki sigur na Lotto, e
Loteria di Aruba pa medio di Comision di Subsidio cu a subsidia e competencia di landamento
celebrando e dia nacional Himno y Bandera.

Cumprando weganan di Lotto, e Loteria di Aruba manera Catochi, Big 4, Zodiac, Wega di Number
Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba
nos isla. Meta di e fundacion ta pa organisa loteria, cambia bida di su hungadonan y na mes momento
inverti den deporte local pa medio di donacionnan na e Comision di Subsidio.