Page 12 - FDLP

ORANJESTAD (AAN)- Diamars anochi a tuma un conferencia di prensa di e team
dinamico di 297sports caminda nan a anuncia oficialmente nan plannan y nan metanan

cu nan kier logra.

Segun Seever Krozendijk di 297sports, pa mas cu dos aña y mei, e portal 297sports ta
riba media social unda e acohida ta uno grandi. Ya for di varios luna caba Noel
Werleman y su persona tabata cana cu e idea pa amplia 297sports y bay over riba web

unda por amplia mucho mas di loke ta wordo ofreci awor. Esaki sin duda lo beneficia e
deporte, nos atletanan local y e comunidad den movecion di e atencion inmenso cu ya
caba ta wordo duna.

“Nos ta hopi satisfecho di e acohida di 297sports den nos comunidad. Nos noticia ta tur
caminda cu ta haci 297sports como e fuente oficial di deporte na Aruba. Esaki ta danki
na e esfuerzo di tur cu ta traha pa cubri e noticia pa nos hendenan. Un danki di curazon
na tur nos partnernan cu ta kere den nos trabou desplega”, Seever Krozendijk a bisa.

Noel Werleman a amplia riba kico tur nos comunidad por mira riba e website 297sports
cu lo bira uno inovativo, informativo y educativo. Na banda di esey por mira e

calendario di actividad annual di nos deportenan. Tambe lo traha riba e
documentarionan cortico di nos atletanan.

E team di 297sports, Edrick Krozendijk, Christen Goeloe, Noel Werleman y Seever
Krozendijk ta sumamente contento cu awor nan ta amplia nan halanan pa nan por

contribui grandemente na deporte. Diasabra awor 297sports lo haci nan debut tambe
na Canal 90 Superstation di 12or pa 1or di merdia. Y nan promesa ta cu den 2019 nan
lo sigui traha na bienestar di nos atletanan y e deporte Arubano.

https://www.diario.aw/2018/12/297sports-a-amplia-su-halanan-pa-contribui-

mucho-mas-na-deporte/