Page 63 - HOSPITAAL

Dr. Cesar Perez, psikiatra specialista den adiccion trahando na Departamento Social
Sikiatrico a bisa cu adiccion ta un maleza fisico, psico-emocional cu ta crea un
dependencia, segun Organizacion Mundial di Salud (OMS).

Esaki ta trece como consecuencia un conhunto di sintomanan cu tin relacion cu un parti
biologico, cu e genetica y e parti social-psicologico di un persona.

Hopi biaha ta kere cu adiccion tin di haber cu e moral di e persona y cu no ta un

maleza. Hopi biaha ta kere cu ta un situacion cu e persona ta pasando aden pasobra e
persona mes kier. Un adicto ta un persona cu ta malo, cu tin un maleza den su cerebro
caba y cu no tin e forza y e boluntad necesario pa por stop di uza droga, Dr. Perez a
indica.

“Nos ta papiando di adiccion, di un maleza cu ta daña e cerebro di un persona cu ta
crea un conflicto na nivel social como na nivel di persona como na nivel moral”, a
agrega.

Cesar Perez a laga sa cu e droganan mas uza rond mundo ta marihuana, cocaina,
alcohol. OMS ta mustra cu si ta suma e dañonan cu por ehemplo alcohol su so ta haci,
ta 4 of 5 biaha mas grandi cu tur e daño cu e droganan ilegal ta causa. “Alcohol ta un

droga cu pa su mes, por haci mas daño cu tur e personanan cu ta uza cocaina,
marihuana, ecstasy y tur e droganan sintetico cu nos conoce caba.

Si e situacion ta sigui manera cu e ta na 2030, segun OMS, mas di 8 miyon persona ta

bay muri pa via di e uso di cocaina. Droga por destrui henter un pais, Perez a remarca.

Ki momento un persona ta bira adicto?

Ora cu e ta uza e droga di un manera compulsivo, ora cu e mester di droga pasobra el
a bira depresivo, ansioso, iritable, no por drumi, no kier baña, no kier come, ta ariba

caya constantemente.