Page 8 - AWEMAINTA

8 AWEMainta Dialuna, 19 augustus 2019

Minister AndinBikker a reuni cu Parlamento

Pa duna entre otro un update

riba e situacion na KIA

Minister di Husticia mr. Andin Bikker regularmente ta acudi na Par-

lamento pa duna update riba temanan cu ta regarda su ministerio y su

maneho.
Diahuebs ultimo den oranan di atardi Minister Andin Bikker a reuni cu

Comision Permanente encarga cu Husticia unda el a duna un update

riba diferente tema actual cu ta regarda su ministerio y su maneho.
E reunion a bay den bon ambiente y na mes momento Minister Bikker

a duna informa e comision riba e situacion actual n’e instituto corecio-
nal KIA.

Minister Bikker a informa di e pasonan cu lo tuma pa drecha e situa-

cion y aumenta e seguridad n’e facilidad.

Tambe a papa di e proceso p’e ‘Request for Expression of Interest’, y
ilustra e avance- y logronan pa cu e maneho di e ministerio, manera

aproba den e Presupuestonan 2018 y 2019. Manera ta conoci proceso di

Request for Expression of Interest a wordo en camina dor di Minister
Bikker y a keda publica oficialmente diaberna 9 di augustus ultimo,

p’asina pronto yega na un facilidad pa un KIA nobo.

Extra medida di seguridad in place pa re-enforsa KIA

Lo busca un sistema di

tracking di prizonero

DESPUES di e ultimo escapenan cu tabatin na KIA, Ministerio di
Husticia pa medio di Minister mr. Andin Bikker a laga pone extra me-

dida di seguridad in place na KIA.

Entre otro a staciona e mobile Command Center di KPA cu tin sistema
adicional di camara sofistica. Tambe a pone patruyanan di KPA adicio-

nal y light towers pa mas iluminacion.

Dialuna lo cuminsa un proceso di Request of Expression of Interest

adicional pa haya un sistema di tracking di prizonero conoci como “In-
mate tracking system through Radio Frequency Identification (RFID)”,

e sistema aki lo bay yuda monitor e prizoneronan via un sistema tecno-
logico avansa cu ta uza na Merca y rond mundo.

Mientrastanto e procesonan pa renoba e infrastructura deteriora lo

sigui acelera riba esaki, mientras ta sigui cana e proceso pa yega na un
facilidad nobo pa KIA.