Page 44 - FDLP

Jaguars Ta Derota Rockets 8-7 Den Un Tanganaso

 Deporte
- 03/09/2019

Campeonato HEINEKEN femenino fast pitch di Aruba Softball Bond dedica na Jacobo
Jansen y Gilbert “ Nando” Maduro a continua riba canchanan na Pos Chiquito. Den
categoria Femenino AA Jaguars Vitamin Water a enfrenta e ekipo di Sta Cruz esta
Rockets. Rockets ta pika ariba den cabes di prome cu 1 careda pero mesora Jaguars ta
responde den bom di mesun inning cu 3 careda. Rockets ta bolbe rally pa 3 careda den
cabes di 2 inning pa bay ariba 4-3. Den bom di 3 inning Jaguars ta rally pa 3 careda y ta
bolter e score 6-4. Rockets no ta baha cabes y ta anota 3 careda pa tuma rienda di e
partido 7-6. Jaguars a keda pone precion y ta anota 2 careda den bom di 4 inning pa
bolter e score na su fabor 8-7. Pitcher a preta brasa den final pa Jaguars seya e victoria.
Boxscore final Jaguars Vitamin Water 8 careda, 2 hit, 2 error y ta laga 6 coredor na base.
Rockets 7 careda, 7 hit, 2 error y ta laga 5 coredor den circulacion. Mihor bateadornan pa
Jaguars ta Jennysela Tromp 1-1 cu un doblete mas 1 rbi y 2 careda anota, Raquel Wester
3-1 mas 2 rbi ta unico dos bateadornan di Jaguars cu a bati hit. Pa Rockets a destaca na
plato Emileen Kock 1-1 cu un rbi y 2 careda anota, Mildred Kock 3-2, Frangeline Danies
3-1 cu 2 rbi, Elianne Shakira Kock 3-1 cu 1 rbi, Liane Tromp 3-1, Zulaima Croes 3-1.
Mester acentua Mama Mildred Kock y dos juinan Emileen y Shakira tur a bati hit den e
wega aki. Algo cu masha poco sa tuma lugar pero si bunita pa aprecia. Kathleen
Emerenciana ta inicia e partido y ta bay 3 inning tirando 23 bola, 40 strike permitiendo 4
careda tras di 4 hit ponchando 3 bateador y ta regala 2 base por bola pero no ta haña
ningun desicion riba su nomber. Carolina Werleman ta drenta releva den cabes di 4