Page 2 - AWEMAINTA
P. 2
2 AWEMainta Diaranson, 3 juli 2019
A destrui mangroven pa construi pier na Pos Chiquito
Pos Chiquito y Savaneta ta un di e poco barionan na
costa cu tin un beach y lama cu ta wordo uza dor di
habitante y personanan di Aruba en general.
Mangel Halto (Pos Chiquito) ta un di e beachnan
cu tin reconocimento mundial y protegi tambe. Esey
ta motibo cu no por construi nada na of cerca di e
beach.
Ya caba e habitantenan di bario tin hopi critica pa
loke ta wordo permiti dor di Gobierno. Awor a para
bira cu casi tur cas den becindario a converti den
apartamentonan cu ta wordo gehuur. Personanan
a traha riba e baranca areanan cu santo blanco p’e
bishitantenan sinta.
Hopi biaha habitantenan di bario no ta haya espa-
cio pa sinta y disfruta di e baranca manera nan ta-
bata haci antes. Hasta tira un cabes den awa, ya cu
e lama eynan ta perfecto pa landa of sambuya. Pues
e usuarionan local ta wordo restringi.
Awor pa colmo n’e parti mas pariba tambe a permi-
ti pa haci construccion unda casnan ta wordo conec-
ta cu pier cu ta yega te na lama. E ta haci manera
cu e beach a bira priva y e localnan no por haci uzo
di esakinan mas.
A yega momento pa demanda cu tur beach aki na
Aruba ta berdaderamente beachnan publico y niun
hende por prohibi un otro di yega na un di beachnan
aki.
Y den e maniobra pa construi pier, a destrui un can-
tidad di mangroven, cu no solamente ta habitat di
piscanan, pero ta un forma pa protege e costanan.
Segun nos por a compronde, e organisacion Aruban
Warriors, cu a tene un protesta recientemente con-
tra e hotel na Seroe Colorado, a wordo informa di
esaki.
Spera cu e bario por uni den esaki y evita cu beach di
Pos Chiquito y becindario ta wordo privatisa.
Departamento di Milieu, cu ta pidi pa protega loke ta
di nos mester sali bin dilanti awor. Minister Otmar
Oduber tambe mester demostra su cara den esaki.
