Page 25 - AWEMAINTA

Diaranson, 3 juli 2019 AWEMainta 25

Na Hilton Aruba Caribbean Resort &

Casino su cocktail estrella ta cumpli 56 aña

TUR bartender ariba e isla di Aruba ta di acuerdo cu e
Aruba Ariba a nace na Aruba Caribbean Resort riba 1

di juli, 1963, caminda cu awendia ta Hilton Aruba Ca-

ribbean Resort & Casino. Durante un torneo di “mix-
ology” teni na Aruba Caribbean Hotel, Juan “Jocky”

Tromp, tawata un di e participantenan. Jocky, e cre-
ador di e Aruba Ariba a destaca e anochi ey, su bebida

special e querido “Aruba Ariba” tawata e ganador.

E receta? E sa varia, pero e original crea 56 aña pasa,

ta inclui vodka y rum, Crème de Banana, Grand Mar-
nier, fruit punch, juice di lamunchi, pineapple y apel-

sina y por ultimo, grenadine.

Un “Cherry on Top” ta duna e cocktail aki su toke asi-
na simpatico. E ta refrescante y dushi, pero tene bon

na cuenta, e ta dal duro!

Juan “Jocky” Tromp, tawata tin 24 aña tempo cu ela

inventa e Aruba Ariba y tawata traha como Bar Man-

ager na Bali Bar. E ta corda bon e dia y momento cu e
Aruba Ariba a nace. E nomber original ta “Ariba Aru-

ba”, y Tromp, awoki un Taxista cla pa baha cu pen-
sioen, ta venera su receta original riba un pida papel

los cu ful e lista ingrediente.

Ya awor e asina yama “Aruba Ariba” ta nos isla su

vacation cocktail di renombre y ta wordo celebra na
Hilton Aruba Caribbean tur aña riba prome di Juli.

Durante e siman prome, Hilton Aruba tin lesnan di
mixology na Mira Solo Lobby Bar, ofreciendo tambe

specialnan pa local di dollar pa florin na tur bar y res-

taurant di Hilton. Esaki pa e Aruba Ariba en especial.
Tambe cu un Buy-One-Get-One deal ariba e similar

cocktail, E Aruba-tini, na Sunset Grille restaurant.