Page 8 - AWEMAINTA

8 AWEMainta Diaranson, 3 juli 2019

Thaïs Franken cu apoyo di Go Cultura Foundation…

Poniendo cultura y creatividad n’e curason

di desaroyo sotenibel Arubano

TABATA na 2018 cu srta. Thaïs Franken a termina su es-
tudio ‘Organization, Governance and Management’ (OGM)
exitosamente na Universidad di Aruba n’e Facultad di Arte

y Sciencia (FAS).

Pa su tesis, Thaïs a investiga e posibel impacto socio-econom-
ico y cultural di e desaroyo di un industria cultural y creativo
como un posibel pilar economico importante pa Aruba.

Den cuadro di e defensa di su tesis y su graduacion exitoso,

Thaïs a ricibi un “best thesis award” p’e aña academico 2017-
2018 pa su tesis titula: “Placing Culture and Creativity at
the Heart of the Aruban Sustainable Development”.

Den e tesis aki por nota claramente con e desaroyo di un in-
dustria cultural y creativo por aporta na diversificacion di nos
economia y tambe con e por tin un impacto socio-economico

y cultural profundo, positivo y duradero riba nos comunidad.

Ta resalta tambe cu creatividad riba su mes ta un recurso
sumamente valioso y cu e ta parti di nos identidad. Sinem-
bargo, e resultadonan tambe ta señala puntonan di accion

cu lo determina e exito di e implementacion di un industria

cultural y creativo.
Cu compromiso di tur stakeholder y pa medio di inovacion
Aruba lo por desaroya un economia cu ta para pa creatividad,

cultura y inclusion di un y tur.

Go Cultura Foundation den su afan pa sostene iniciativanan
cu ta stimula y engrandece e sector cultural y creativo di nos
isla, a mira importancia grandi den e investigacion y tesis

valioso aki y a dicidi di sostene Thaïs, dor di laga imprimi y

publica esaki den forma di un buki.
Riba e potretnan por aprecia algun di esnan a contribui na
e investigacion y realisacion di e tesis aki. Tur persona y in-

stancia cu a forma parti di e investigacion a ricibi un copia

di dicho publicacion for di mannan di Edjean Semeleer, co-
fundador di Fundacion Go Cultura, p’asina nan tambe por
sigui ta parti integral di e esfuerzonan pa sigui desaroya e in-

dustria cultural y creativo den un pilar economico pa Aruba.

Un otro desaroyo positivo cu a resulta di e tesis ta cu Thaïs
a bira un columnista y autor di ‘Creative Islander’ pa Aru-

ba Today. Bisemanal riba diahuebs Thaïs ta scirbi articulo-

nan informativo y critico p’asina conscientisa e comunidad y
tambe comparti su conocemento riba tereno di creatividad,
cultura, desaroryo sostenibel y inovacion na un manera sim-

plistico y argumenta pa medio di hechonan relevante.
Sigui na pagina 9>