Page 5 - KPA

4 AWEMainta Diamars, 23 Mei 2017

Venezolanonan na Aruba tambe

A uni den un accion global pa recorda esnan

cu a bira victima di Presidente Maduro

Mgr Luis Secco tambe a duna acto di presencia

TABATA diasabra atardi ultimo, cu un grupo
di Venezolano, pero tambe di otro paisnan Latino
Americano a bin hunto na Plaza Simon Bolivar pa
mescos cu otro parti di mundo, pa reza p’esnan cu
a bira victima di Presidente Nicolas Maduro, pero
pa reza pa trece cambio n’e situacion reinante na
Venezuela.
E ultimo 55 dianan di manifestacion a causa varios
morto di hobennan cu por sirbi e pais.

Nan a haci un yamada na henter pueblo pa demanda
cambio di e situacion reinante na Venezuela. Nos
por a mira presente, Mgr. Luis Secco, kende tambe
a haci un apelacion pa finalisacion pacifico di loke ta
pasando na Venezuela y esaki por unicamente dor di
un eleccion liber y democratico.
El a pidi pa tur creyente uni den oracion, manera a
sosode na tur iglesa na Venezuela y rond mundo.

Mgr. Luis Secco a confirma di a recibi un carta di
conferencia Episcopal di Venezuela, unda nan ta pidi
pa pueblo di mundo uni den oracion. Ta uni y den
oracion, so por logra un solucion faborable.
Tur hende kier paz, pero tambe esnan cu kier paz
mester sa di pordona. Maske cu tin hende kier pa
lanta arma y lucha pa benta e Gobierno di Maduro
abao. Pero esey lo trece cune tambe, morto y esey
ningun hende ta desea.
Pesey cu oracion y cu boluntad di Dios, pueblo di
Dios semper lo sa di gana, segun Mgr. Luis Secco.