Page 27 - AWEMAINTA

AWEMainta Diamars, 14 Maart 2017 27

Hilton Aruba Caribbean Resort & Casino a presenta su imagen refresca

BOU DI E LEMA: “Nos a refresca nos hotel. Awor refr-
esca bo bista,” Hilton Aruba Caribbean Resort & Casino a
organisa un serie di tremendo evento di desayuno, invitando
hefenan di varios compania local prominente pa refresca nan
bista riba e propiedad, despues di renobacionnan extensivo.
E evento tabata parti di e Siman di Benta di Las Americas,
unda cu ekiponan di benta di Hilton na Merca, Canada y
Latino America a subi caya pa reuni cu clientenan nobo y
existente, cu e meta di conecta cu nan y comparti tur e tre-
mendo cosnan cu ta pasando na nan resortnan.

Ambos evento di desayuno a tuma lugar na cuminsamento
di maart y a ricibi representantenan di comercio Arubano.
Invitadonan a wordo invita pa un tour exclusivo di e resort
di 357-kamber, y un desayuno na su restaurant ganador di
premio culinario, Sunset Grille.
E recien renoba Hilton Aruba Caribbean Resort & Casino
tin un imagen completamente nobo cu ta conecta cu e
propiedad su historia rico y ta mescla cu un estilo di bida
moderno di playa cu ta pas cu e biahadornan sofistica di
awendia.
E diseño nobo ta un homenahe respetuoso n’e architecto
original di e resort, Morris Lapidus, kende a forma hopi di
loke awor ta un diseño iconico di hotel.

E concepto di e renobacion tabata pa mantene e vision
original, y aumenta esaki, celebrando Aruba su playa
bunita, su santo manera sucu blanco y su brisa signatura,
como tambe sostene e maraviyanan natural cu mueble,
materialnan y texturanan contemporaneo. Mientras cu
nan tabata n’e resort, e invitadonan a wordo introduci na
un prijs special di hende local.