Page 33 - AWEMAINTA

AWEMainta Diamars, 14 Maart 2017 33

Evelyn Wever-Croes:

Aruba ta bendiciona cu talento musical

Ban celebra nos Dia di Himno y Bandera en grande!

DURANTE conferencia di prensa di MEP, lider di
MEP Evelyn Wever-Croes a felicita e organisadornan
di e Festival “Un Canto na Nos Himno y Bandera”.
“Awe un siman grandi ta cuminsa pa Aruba y pa
MEP. E siman di celebracion di nos Himno y Ban-
dera.
Fin di siman den e Festival Un Canto pa nos Himno
y Bandera, nos por a mira cuanto talento musical
nos tin na Aruba.
Mi mes tabatey y mi por a aprecia tanto talento.
Compositornan cu a compone varios cancion,
areglista, musico, interpretenan tur a demostra un
talento unico.
Mi kier felicita tur esnan cu a haci e festival un
exito rotundo. N’e cantante, musico, compositor,
areglista, y especialmente e ganadornan.

E siman aki ban demostra nos amor pa nos himno y
nos bandera y e orguyo di ta un Arubiano. Arubiano
ta tur cu ta biba na Aruba, irespecto unda bo a nace.
Ban demostra nos orguyo di ta Arubiano, y hisa nos
bandera e dianan aki. Ban celebra nos dia di himno
y bandera en grande.
Na sede di MEP nos ta celebra henter dia 18 di
maart cu actividad y entretenimento. Nos tin un
Expo tambe na nos sede, cu lo habri 11.30 am dia
18 di maart.
Nos ta sperabo pa bin celebra e gran fiesta aki”, lider
di MEP Evelyn Wever-Croes a duna di conoce.