Page 6 - DIMP
P. 6
Drs. Mervin Wyatt-Ras (AVP): Dia Pa Dia Nos
Hendenan Ta Bira Mas Pober
Politica
- 18/07/2019
Un di e retonan di mas grandi cu mundo ta enfrenta actualmente ta esun climatologico y
tambe probreza y hamber. Esakinan ta parti di e SDG’s cu Gobiernonan mundialmente a
pone den nan metanan pa logra.
Nos a papia di nan durante reunionnan di IPKO na Den Haag pa traha hunto. Sinembargo
si bo wak e situacion na Aruba e ta lamentable, asina e miembro di fraccion di AVP,
drs.Mervin Wyatt Ras a duna di conoce.
Dor di tur e medidanan nos hendenan tin menos placa den nan cartera y por pone menos
pan riba mesa pa nan famia. Bo ta drenta un supermercado of riba caya of ora bo bishita
hende, tur caminda tin e comentario cu nos hendenan no por sobrevivi cu locual nan tin
como salario.
E salarionan ta keda mescos sinembargo e gastonan pa compra di cuminda, paña y otro
articulo a bira mas halto.
Tur cos a subi y e prijsnan di comestibles y tambe di berdura y fruta a bira hopi mas
halto.
