Page 7 - JUS
P. 7
Consul General di USA a bishita
Minister di Husticia Sr. Dowers
BY: LOOP NEWS
08:07, March 17, 2017
46 VIEWS
Tambe nan a combersa riba e topico manera e rechtsorde y rechtshandhaving di Aruba.
Diahuebs mainta 8or, minister Arthur L Dowers a ricibi na su despacho, señora Margaret D. Hawthorne, kende
ta consul general Di USA. Señora consul Hawthorne, kende ta staciona na hermana isla Corsow, ta di bishita
na Aruba specialmente pa reuni cu e titular di Husticia. Durante nan reunion, e consul general a yama minister
Dowers danki pa e tremendo cooperacion cu tin entre Aruba y USA pa loke ta trata e aparato hudicial. Pa e
consul ta di sumó importancia cu Aruba, por medio di e minister di Husticia, ta cumpliendo cabalmente cu e
MOU, cu a wordo firma dia 2 di juni 2016, na Amsterdam Hulanda, regardando e cooperación entre e dos país
nan aki, riba tereno di combatimento di tanto crimen organiza transnacional y tambe terorismo. Tambe nan a
combersa riba e topico manera e rechtsorde y rechtshandhaving di Aruba. Un di e otro tópico cu ambos a
discuti riba dje ta e modelo di "ESTA", cu Minister Dowers a introduci y cu lo keda ehecuta dentro di poco. E
consul general a keda masha contento di por a bishita minister Dowers y a yama e minister masha danki pa e
tremendo cooperacion.
