Page 10 - AHATA (PR) 27 SEPT 2019

identifica cu na Aruba tin varios manera pa mira publicacion di vacaturanan pa empleo,

pero no tin un lista di candidato buscando trabou.

Aruba su industria di hospitalidad y turismo ta e pilar economico mas importante di nos

economia, e parti di empleo y forsa laboral ta un factor crucial. Sinembargo, tin hopi

vacatura cu ta keda habri pa hopi tempo sin haya candidato adecua. AHATA kier facilita

conexion entre e miembronan di AHATA su departamentonan di Recurso Humano como

e comunidad local buscando trabou. Pa medio di ahata.com lo ofrece varios posibilidad

pa conecta candidatonan adecua, profesional y studiantenan, cu trabounan disponibel den

turismo.

Riba e pagina di Careers di ahata.com por haya lista di e vacaturanan disponibel den

sector di hospitalidad y turismo bou miembronan di AHATA. Tur siman por bishita e

pagina pa updates di vacaturanan nobo.

Awo AHATA ta introduci un aspecto nobo riba e pagina di Careers, cual ta ofrece

posibilidad pa profesionalnan local interesa pa uni na e forsa laboral di Turismo por

publica nan informacion. E departamentonan di Recurso Humano lo tin acceso na e

seccion nobo. E intencion ta pa yuda conecta companianan den Turismo cu candidatonan

local di nan preferencia basa riba e experticio necesario.

Personanan interesa por manda CV pa AHATA na careers@ahata.com, mencionando

specialisacion y area di interes, esaki lo wordo añadi na e pagina ‘Conectando Localnan’.

Ademas AHATA lo haci un inventario di e vacaturanan pa core stage den e industria di
turismo pa studiantenan di tur nivel. Di e forma aki e ta bira mas eficiente pa haya e tipo

di informacion accesibel y pa studiantenan considera pa core stage den industria. E