Page 13 - AWEMAINTA

AWEMainta Diabierna, 17 Februari 2017 13

Opcionnan di pago flexibel pa doñonan di tarheta di CIBC FirstCaribbean

HACI pagonan cu tarheta di debito y credito a bira hopi
mas facil pa clientenan di CIBC FirstCaribbean. E uzo di
tarhetanan cu chip ta birando mas frecuente p’e doñonan
di tarheta den Caribe, y CIBC FirstCaribbean a caba di
duna mas oportunidad na su clientenan dor e “Chip &
PIN” y e tarhetanan di “Contactless” y “Smart Cards”.
Diferente n’e carchinan di magnet tradicional, e “smart
cards” awor ta inclui un microchip cu ta genera un codigo
unico den cada transaccion cu no por wordo uza di nobo
loke ta haci dificil pa compromete e tarheta.

E carchinan nobo ta duna e doño di e tarheta e oportuni-
dad di solamente mishi of pasa e tarheta di credito of di
debito di Visa dilanti di e aparato di swipe cual t’e POS
cu ta ekipa cu e caracteristica di “Contactless”, mientras
cu nan ta uza e tarheta na Europa, Merca, Canada y otro
paisnan pa haci pagonan di montante chikito. Señor
Trevor Torzsas, Managing Director di Customer Relation-
ship Management and Strategy na banco, ta kere cu e
banco a yega un punto importante dor cu esaki ta aumenta
e facilidad di e uzo di e tarheta pa compranan chikito,
mientras ta mantene e seguridad di e tarheta, cual awor
tambe a wordo mehora dor di agrega e tecnologia di “Chip
& Pin”. Unda cu no tin e opcion di paga cu e sistema di
“contactless”, clientenan di CIBC FirstCaribbean ainda
por haci pagonan uzando e sistema nobo di “smart cards”.

E cliente no mester preocupa si e ta haya un mashin cu
no tin e sistema di “Chip & PIN”, pasobra e tarhetanan
lo tin e magnet tradicional adicional n’e chip. Haciendo
e uzo di e tarhetnan hopi mas facil na cualkier aparato
di swipe cual t’e POS sin ningun problema. Lo tin sigur
rekisitonan extra p’e seguridad di e doño di e tarheta, cual
ta encera cu mester introduci un “PIN” na momento di
haci un pago.

Esaki ta elimina e necesidad pa provee un firma, ta acelera
e pago n’e cahera y ta duna mas seguridad n’e doño di e
tarheta si e mester perde of nan horte, haciendo cu e com-
pra no por wordo completa tanten cu e PIN confidencial
no wordo introduci. E tarhetanan nobo di cada cliente lo
wordo duna na momento cu esun cu nan tin actual vence
of si e tarheta mester wordo cambia pa motibo di perdida
of daño.
E clientenan por haci un peticion pa un tarheta nobo via
di e proceso regular na nan sucursal prome cu e fecha di
vencemento di e tarheta existente. Señor Torzsas a expresa
hopi emocion n’e ultimo adicion di servicionan na e tar-
heta di e banco: “Nos a introduci un serie di inovacion
na nos servicionan, incluyendo nos asina popular “Mobile
Banking App”, pa duna nos cliente mas alternativa con
nan tin cu haci e transaccionnan bancario.

Nos tin un solucion bancario cu ta adapta n’e estilo di bida
di tur hende y nos “smart cards” lo duna nos clientenan
doño di un tarheta di banco e comodidad adicional cu nan
por haci pagonan den un forma sigur y flexible.