Page 42 - HOH

ORANJESTAD (AAN): Relacionista Publico di AZV, Solange Tchong a laga sa cu AZV
continuamente ta monitor e situacion na Dr. Horacio Oduber Hospital pa nan garantiza
pa e cuido medico por sigui ariba cualkier area.

Den pasado tabata tin algun situacion cu e specialismo di ginecologia y a logra resolve
esaki y a percura pa busca mas ginecologo. Mescos a sosode cu e specialismo di wowo,
unda AZV atrobe a yuda eynan pa busca mediconan y ainda AZV ta haci esaki, Tchong
a remarca.

AZV y e ta kere cu hospital tambe ta conciente cu no tur ora por cana e mesun lihe
manera comunidad di Aruba ta espera, a bisa.

Segun Solange Tchong, ta importante pa realiza cu no ta Aruba so ta confronta e
problemanan aki. Mundialmente tin un scarcedad di entre otro enfermeronan specializa,
pero tambe di cierto specialistanan. Esey ta haci cu e reto ta bira mas grandi pasobra
Aruba tin cu bay sali eyfo y competi cu e otro paisnan grandi cu tin e specialistanan aki

y cu tur e beneficionan y pagonan hopi mas halto, a manifesta.

Tog esaki no ta kita afo cu AZV ta sigui haci su maximo esfuerzo hunto cu Hospital pa
percura pa e specialismonan cu ta necesario ta na Aruba.

El a reitera cu AZV ta e seguro y ta cumpra e cuido medico pero cada ken tin cu carga
nan responsabilidad.

Finalmente ariba e rumornan y noticianan den social media cu AZV no ta paga, el a
subraya cu tur e casonan di pasado a keda den pasado.”Ya caba AZV ta na un situacion
na unda nos ta paga segun nos contratonan. Nos ta paga na tempo y esaki ta haci
tambe cu cada dunador di cuido por duna nan servicio debidamente pasobra no tin

ningun problemanan di pago andando aworaki”, Tchong a expresa.

https://www.diario.aw/2019/04/no-tin-ningun-problemanan-di-pago-andando-aworaki/