Page 18 - Djarason 13 februari 2019.pdf

18 Djarason 13 Febrüari 2019
MUNDU DEPORTIVO

Jonathan Schoop su streanan a

enfrentá esnan di Jurickson Profar

Fanátikonan di Extra Inning, bon dia. Vários ekipo
WILLEMSTAD.- Ayera di Dòbel A i Klase A di Beisbòl a kuminsá train un pa
nochi tabatin un enkuentro dos biaha pa siman, pa despues di Karnaval ekiponan
speshal entre Jonathan bai train mas fuerte. Semper un bon training promé ku
Schoop i su amigunan i temporada lo yuda. Lástima ku Dòbel A ni Klase A tam-
Jurickson Profar i su tim. poko Hubenil tin pre-temporada. Pa hopi tempu Santa
Bon públiko a drenta Tio Rosa Indians tabata organisá Torneo Warm-up Tio Daou
Daou Ballpark grátis pa mira ku partisipashon di kasi tur ekipo di Beisbòl Dòbel A.
e dos Big Leaguernan i nan Klase A tambe tabatin su warm-up na tereno di Bonnam
ekipo den akshon. Den ekipo hopi aña pasá. Beisbòl Veterano kasi tur aña tin Torneo
di Jonathan tabatin Wecho Warm-up sea na Heintje Kool Ballpark òf na Vi Jansen
Schoop, Sevard Seferina, Ballpark.
Shai Martis, Dudley * * * * *
Nos a risibí informashon di Beisbòl di Boneiru serka
Leonora, Kevin Moesquit, Jonathan de Wind. E aña aki tambe 5 ekipo na Boneiru
Darwin Gregg, Shane Quant. lo hunga 3 buèlta, ke mèn tur ekipo lo hunga 12 wega.
Jurickson Profar su ekipo Blue Marlins a sali kampion di e promé kampionato di
a konta ku e.o. Ozzie Albies, Boneiru den luna di novèmber ganando di Red Devils.
Kevin Josephina. Christopher Tremendo trabou di Jonathan De Wind i ta pendiente pa
Pietersz, Terrence Josephina. e aña aki si organisá stail di Kopa Dutch Caribbean entre
Tabata un wega amistoso Kòrsou, Aruba i Boneiru. Jonathan a komuniká ku nos i
ku sigur a kai na agrado dje despues di reunion otro siman nos lo tin mas detaye di
públiko. Beisbòl di Boneiru. Aña pasá aprel Santa Maria Pirates
tabata presente na apertura di Beisbòl Dòbel A di Bo-
neiru.
* * * * *
Pa loke ta Beisbòl di Aruba, e kampionato mester a
sigui den luna di yanüari aki. E presidente di Beisbòl
arubano no tabata masha optimista den desèmber pa
loke ta kontinuashon di Beisbòl den yanüari, debí ku na
Aruba tambe, e peloteronan no ta hasi wega ku nan tem-
porada di Karnaval. Pa loke ta Klase A, na Aruba si taba-
tin un kampion kaminda ekipo Marlins a bira kampion
i Red Machine di Marlboro a terminá na di dos lugá. No
tin masha ekipo den Klase A di Aruba manera ta e kaso
nan Kòrsou. Kòrsou tin 9 ekipo di Klase A, ekiponan di
Dòbel A su sukursal i ekipo Suffisant i The Champs.
* * * * *
Den Hubenil tabata e ekipo ATCO ku a bira kampion.
Nos a kaba di risibí kontakto ku Karel ‘Kai Kai’ Williams
ku a duna di konosé ku dianan 21, 25 i 27 di febrüari lo
hunga promoshon i degradashon. Marlboro ta preparan-
do un torneo den kuadro di selebrashon di nan 60 aña di
eksistensia. Ku otro palabra, Marlboro un dje grandinan
den historia di Beisbòl di Antia a keda fundá mesun aña
ku Royal Scorpions, un dje grandinan di Kòrsou.
* * * * *
E torneo di Marlboro Red Machine lo tuma lugá na
mei i a manda invitashon pa Kòrsou, Boneiru i República
Dominicana. Extra Inning no tin detaye ku ta selekshon
di Kòrsou lo hunga òf ta un ekipo a manda invitá. En
todo kaso Beisbòl di Aruba ta a la karga bèk, despues ku
práktikamente tur aña tabatin protesta i otro asuntunan
ku tabata pone ku hasta algun aña no tabatin kampio-
nato mes. E ekiponan ku a klasifiká pa play-off semi-fi-
nal Dòbel A di Aruba ta Red Machine, Ceres, Atco i Rock-
ets. Blue Marlins lo hunga promoshon i degradashon
kontra Quality Rotary.
* * * * *
Kòrda ku awe ta dia di reunion di FEBEKO. Den e ed-
ishon di ayera nos tabatin detaye amplio di e puntonan
di agènda, entre otro suma ora di traspaso promé ku 3
aña, refuerso pichernan estranhero, Lista di hungadó ku
lo keda 30 òf bira 25, prosedura na momentu di kastigu,
speed up rule. Ekiponan kòrda manda boso represent-
ante ku tin bos i no un representante ku kada biaha mes-
ter yama pa tuma desishon.
* * * * *
Un delegashon formá pa District Administator Urny
Floran, asistent DA, Lando Chirino, dirigentenan di Liga
Pabou, Eugene Sambo, Kursley Kuwas i Ruisandro Ci-
jntje, tabata na Aruba wikènt pasá pa Kongreso Latino
Amerikano i di Karibe di Beisbòl Little League. Einan a
sede di Kòrsou pa loke ta trata Little League Karibe a
keda ratifiká. Aña pasá e Kongreso tabata na Kòrsou
den Hotel Holiday Beach ku no tei mas den 2019. Nos ta
keda te aki pa awe. Te mañan ku Poder di Dios.