Page 32 - ATA

como di Hulanda, DESPA a adapta su cifranan, of siman pasa ainda tabata papia
di 27 caso di Zika confirma, pero a base di recomendacionnan haya, e cantidad
a cambia drasticamente cu di 27 caso confirma, el a bira casi 100 caso

confirma, a base di resultadonan di laboratorio.
Esey no kiermen cu Aruba ta den un epidemia, pero si ta wak cu e cantidad di

casonan vooral di keintura, rash, dolor di curpa, wowo cora, DESPA ta hayanan
semanalmente. Esakinan ta specificamente di casonan di 2017 so. Enberdad

Zika a haci su introduccion na Aruba na 2016, pero no tabata tin pruebanan
cientifico pa confirma un infeccion di Zika. Pero awo si tin pruebanan specifico,

pero awo si tin casonan confirma.
E departamento cu ta controla e hotelnan ta GKMB y ta Sr. Clayton Croes lo
amplia mas ariba e criaderonan.

Mirando e casonan cu ta aumenta, mas di shen persona den menos di tres luna,
y segun Sr. Maduro, hopi biaha tin kehonan cu gobierno of e departamentonan

no ta haci nada, pero unabes un persona tin un criadero di sangura na su cas,
esey caba ta suficiente cu e sangura por plama cierto malesanan, den e caso aki

dengue, zika of chikinguya. Dus uno, e mester cuminsa na e persona mes pa
controla nan cas, dos , depende di e notificacion cu DESPA haya for di GKMB,

ora di haci nan inspeccionnan na adresnan unda ta sospecha cu tin un caso di
malesanan transmiti pa sangura y asina DESPA lo bin cu accionnan mas
concreto cu lo kere cu ta bin asina leu cu lo bay spuit pa mata e sanguranan

adulto, segun Sr. Maduro di DESPA.