Page 58 - MIN VOS

12 di Mei e gran apertura di campeonato 2017 di Aruba
Softball Bond

Sunday, 23 April 2017 09:32
Comparti

Aruba Softball Bond kier recorda tur su miembronan cu e gran apertura di campeonato di softball lo tuma lugar
diabierna 12 di Mei próximo. ASB ta pidi tur equiponan pa cuminsa prepara pa e dia aki nan ta completo cu ful
equipo na veld. Tanto masculino AA y A-klas y femenino AA.

Lo bay tin un ceremonia di apertura unda equiponan lo desfila. Ta pidi tur equipo presenta cu un madrina. Lo escoge
un madrina di aña 2017 kende lo representa ASB henter e aña kende alaves na final di campeonato lo mester ta
presente pa entregamento di premio. Tambe lo bay tin un premio pa equipo mihor uniforma. Pues uniform mester ta
completo pechi camiseta Carson faha etc. Lo dedica e campeonato aki na dos persona cual lo wordo anucia dentro di
poko den prensa hunto cu nan cv. E mesun dia aki lo decreta oficialmente e gran apertura di campeonato 2017 unda
lo bay tin 2 wega. Dia 9 di mei cuminsando pa 715pm den Trappers Club lo bay tin un reunión cu tur equiponan pa
repasa Reglamento di Campeonato. E dia aki equiponan mester entrega nan lista oficial compaña cu Afl.200
competitiegeld. Ta pidi tur equipo manda 2 representante. Campeonato oficial ta kla pa ranca sali y e competencia ta
mustra di lo bira uno fuerte y hopi competitivo. Éxito na tur equipo.