Page 10 - AWEMAINTA

10 AWEMainta Dialuna, 26 augustus 2019

Bus a “bisti” un SUV na Malmokweg

DIASABRA atardi pa mas o menos 4:45 varios unidad di rescate di
Brandweer hunto cu polis y ambulance a sali direccion Fisherman’s

Hut, pa un accidente frontal entre un Bus y un Toyota Rav4.

E accidente aki a sosode un poco panort di Fisherman’s Hut, yegando
Malmokweg

Tawata trata di un accidente basta serio. Segun por a mira riba un
video publica riba e portal di noticia 24ora.com, por a mira e Toyota

RAV para banda di caminda, probablemente a sali for di banda di

Fisherman’s Hut of a bay haci un U-Turn, pero el a tuma e chens di
subi caminda pa bay direccion di Malmokweg atrobe. Net na e mo-

mentonan ey tabatin un bus di Arubu, carga cu pasahero entrenan
turista biniendo di nort.

E chauffeur di Arubus no por a haci nada nada pa evita e accidente

frontal y e impacto tabata fuertisimo cu e bus a dal den e banda di e
chauffeur. E bus despues a desvia, subi un mata y djey keda para.

Na yegada di Bomberonan mesora nan a cuminsa traha pa libera e

dos ocupantenan di e Toyota, ambos a keda pega den e auto.

Mientrastanto unidad di Ambulance cu a yegada tawata controla

pasaheronan di e bus, por bisa tur tawata ok. Mas bien nan tawata
poco spanta di loke a caba di pasa.

Ambos vehiculo a keda completamente destrui parti dilanti.

Despues di a libera e ocupantenan di e Toyota Rav Paramediconan
a atende nan eybou prome cu a transporta nan pa hospital pa mas

tratamento medico.