Page 5 - AWEMAINTA
P. 5
Dialuna, 8 April 2019 AWEMainta 5
Doño a bandona cas lagando cachonan bandona
DIASABRA den oranan di merdia polis di Noord a bay un cas unda lo
tin dos cacho mara laga atras.
Na yegada di polisnan nan ta nota cu e doño lo a bay di e cas y a laga
e cachonan mara na un cabuya cortico. Un pida cas di palo pa nan por
sconde. Un bista hopi tristo con tin “hende” ta trata animalnan. Polis-
nan a constata algo di cuminda gebolter y berdad nan tawata tin awa
pero sushi. E yamada lo a drenta di esnan den vecindario cu a tuma nota
di e abuso aki.
Via bisiña polisnan a pone awa fresco pa e dos cachonan y a contact un
compania cu ta trata cu cachonan bandona. E compania lo a keda di pasa
y mira kico nan por haci pa e animalnan.
Parce e doño lo mester a sali for di e cas y ta laga e animalnan mara pa
nan cuenta. Danki na bisiñanan atento cu a avisa polis y na nan turno a
avisa e instancia cu ta trata cu animalnan manera esaki, pues cu wordo
bandona.
Nos ta spera cu e dos cachonan por haya un hogar nobo pa biba y cu
hopi amor. Ta tristo pa mira cu un persona ta dicidi di tuma un animal
pa e cria y después ta laga esakinan bandona. Sikiera por a yama Animal
Shelter pidi un ayudo pa busca e animalnan aki.
