Page 87 - MIN VOS

di e fecha riba cual e ta yega su edad di pensioen. Entrante 1 di januari 2017 e edad di pensioen ta
61,5 aña. Tur persona naci entre 1 di januari y 30 di juni 1956 por aplica 3 luna prome cu e yega su e
ad di pensioen. Cada aña e edad di pensioen lo sigui subi cu 6 luna te cu 1 di januari 2024 ora e edad

di pensioen lo bira 65 aña.

Pa un persona por ricibi e pensioen di biehes e mester haci su peticion na SVb. Awor e peticion por
bay di manera digital via Mi Pensioen. Subi riba SVb su website www.svbaruba.org y scoge Mi

Pensioen pa por yega riba e portal di Pensioen, e programa mes lo guia e futuro pensionado kico pa
yena riba cada pagina. Ta importante pa tene na cuenta cu mester tin un email adres activo pa por
registra como usuario di e portal di SVb. Pa facilita e proceso di peticion SVb a traha un video di

instruccion cu lo ta riba riba e website www.svbaruba.org for di dialuna proximo 5 di juni 20. E
video aki ta splica e proceo paso pa paso. Sra Agnes Arends tabata e prome futuro pensionado cu a
bay on line y a haci su peticion pa su pensioen di AOV.

Aplicando on line pa e Pensioen di AOV e pensionado no mester yega personalmente na oficina di
Pensioen ya cu despues di haci su peticion via e portal, e proceso lo sigui automaticamente. E usuario
lo por sigui via di e pagina principal con leuw e proceso di su aplicacion ta. Aplicando via di e portal

di Pensioen ta facil, e proceso lo cana mas lihe y ta sigur un trankilidad pa e futuro pensionado cu no
lo tin mester di sinta warda pa wordo atendi. E servicio nobo aki ta facilita e persona cu ta biba den
exterior tambe pa e por haci su peticion digital. Como servicio adicional, na oficina di Pensioen den

Vondellaan, a instala computer specialmente pa e pensionado por registra y tambe haci peticion di su
pensioen on line.

Banda di haci e peticion pa e pensioen di AOV tambe e pensionado por print manera entre otro
jaaropgaaf, inkomensverklaring, herziening mutatie y toelichting AOV. Tur e inovacion aki ta cu

bon colaboracion di ITP kendenan tin e proyecto aki na nan encargo conhuntamente cu Luis Tromp
Hefe di Departamento di Pensioen.

Di e forma aki SVb Aruba kier sigui inova y brinda e miho servicio posibel na tur pensionado y
futuro pensionado nan na Aruba y rond mundo.

http://earubianonews.com/svb-ta-sigui-inova-su-servicio-pa-e-pensionado/

Ban Combersa na Canal 90 lo tin Edwin Jacobs di SVb riba e
fondo y edad di Pensioen