Page 14 - FDLP

A20 DEPORTE
Diabierna 15 Februari 2019

Resultado di e Aruba Sprint Cup’ rond 1

ORANJESTAD – Durante fin di siman ultimo a tuma e
SWS(Sodi World Series) ‘ Aruba Sprint Cup’ rond 1 na
Bushiri Karting.

Aki ta unda cu un total di 25 piloto a competi riba e dia aki
den e deporte di karting. A competi den e categoria rookie,
light y heavy cu pa medio di time qualifying a defini nan posi-
cion den e careda aki. Prome a competi den e pre-finalnan y
despues a bay over pa e final nan di e competencia. Esaki ta
segun e fuente 297 Sports.
Mester bisa cu e resultado final di cada competencia despues
di un tremendo bataya a bira conoci. Nos a haya den

Rookie:
1. Jorge Farro “Jorge”
2. Hubert Tromp “Colebra”
3. Bareno

Light:
1. Nathan Richards “Nate”
2. Randolf Lisandrina “Fito”
3. Michel Lacle “Balboa”

Heavy:
1. Andre Tromp “DragoRas”
2. Joshua Alders
3. Geovane Lucas Queiroz “Gio”

Notabel ta cu den categoria Rookie a bin competi dos piloto
di nos hermana isla Corsou (cura gas & cura speed). E pais di
Corsou ta activando den karting y nan tin plannan grandi pa
habri nan mes un pista pronto. Cu otro palabra pronto nos
coredonan di Aruba lo biaha pa Corsou pa competi contra e
coredonan di nos hermana isla y sigur un bon forma di fogeo
y competencia pa coredonan di ambos isla.

Aruba su team di TK4 ta

uniforma y cla pa Surinam

ORANJESTAD - Diamars atardi e team cu ta bay rep-
resenta Aruba na Surinam a briya den nan uniform
nobo. Nan uniform a wordo otorga na nan door di Bra-
zil Taekwondo Stichting mes cu semper ta coopera pa
nan haya nan uniformnan. Meneer Dan di U Need A
T-shirt na Merca semper ta coopera pa print riba nan
uniform.

For di aña pasa e team di Cadet ta preparando pa e di 8 TK5
na Surinam y Aruba tin 7 aña ta gana e copa na Surinam. E
aña aki nos ta conta cu un team dinamico y nan ta bay bringa
contra di Frans Guyana y Surinam pa e copa aki.

Aruba su team ta consisti di e siguiente atletanan:
• Samuel Rosales di Noord Taekwondo Center bou
guia di Grand Master Chaco Cornelio, Master Melvin Ras-
mijn, Master Joshmar Wever y Master David Dubero.
• Danon Delamore, Joshua Klabér y Roderick Tromp
di Brazil Taekwondo Stichting bou guia di nan training korps
di Taekwondo.
• Jourdé y Záhyon Klabér ta bay coach nan na Surinam.

Dr. Guaicaipuro Jimenez Presidente di Aruba Taekwondo
Bond semper ta apoya e team nan di Aruba cu ta representa
Aruba internacionalmente.