Page 5 - CHICAS GAITERAS FLIP 24 DEC 2016

Prome Minister y alabes Minister di Cultura a entreg'e:
Homenahe special na Marion Maduro di Chicas Gaiteras

Thursday, 22 December 2016 22:58
Comparti

Como un di e prome gruponan di gaita femenino cu a produci asina tanto exito, tanto localmente como
internacionalmente, Chicas Gaiteras di berdad a inspira nos masha hopi den tempo di fin di aña.

Despues di 13 aña nan a regresa den un solo concierto, cu a atrae un publico grandi, pa corda tur e exitonan cu e
grupo di gaita aki a produci den su añanan. Cu mas di 30 aña di experencia musical, Marion Maduro no solamente ta
e fundado pero tambe e motor tras di e grupo di gaita. Prome Minister mr. Mike Eman, cu alabes ta Minister di
Cultura tambe, a atende na e concierto y a entrega Marion Maduro un reconocemento special pa su esfuerso, su
dedicacion, su creatividad y letranan asina profundo cu a toca curason di nos tur. Un parti di e grupo ta residencia na
Hulanda y ta haci dificil pa nan por reuni frecuentemente. Cu e aplauso di publico ricibi durante nan presentacion
den Aruba Entertainment Center, ta bisto cu nos lo kier mira mas di Chicas Gaiteras den futuro.