Page 31 - AHATA
P. 31
Vocero di partido AVP, Melvin Tromp ta mustra cu mientras Prome Minister tin su boca
yen cu e palabra di integridad y transparencia, su maneho ta net lo contrario di loke e
palabranan aki a nifica.
“Tur hende por corda bon cla con Prome Minister na varios ocasion a mustra cu ‘ta haci
bon ora hende ta mira pero haci bon tambe ora hende no ta mira’ pero loke su persona
como Prome Minister y su gobierno ta haciendo cu pueblo di Aruba, ta increiblemente
contrario di e ponencia aki.
Na prome luga un Prome Minister cu a gaña su votadonan cu e lo tin solucion pa e
situacion financiero di e pais sin cu e tin mester di tuma medida pero ta haci net lo
contrario y ta pak pueblo cu un medida tras di otro, ta un Prome Minister cu no tin
integridad.
Un Prome Minister y su gobierno cu a priminti pueblo di baha gasto di personal como
parti di su maneho pa soluciona e situacion financiero di nos pais y ta wordo atendi pa
CAFT cu su gobierno a subi gasto di personal cu 10 miyon florin, no por ta un Prome
Minister of gobierno cu tin integridad.
Un gobierno cu a priminti pueblo reduccion riba prijs di gasolin, reduccion di tarifa di
awa y coriente y net lo contrario ta sosode, nunca por tin integridad ya cu a gaña
pueblo den mal forma usando cantidad di excusa barata cu awor no por wordo
hustifica.
Transparencia ta algo cu Prome Minister semper ta papia di dje pero te dia di awe
ningun hende a mira e proceso di destaho pa compra di e helicopter pa polis ya cu
cosnan no a bay manera mester a bay pero riba esaki net nada ta wordo bisa.
E priminti pueblo cantidad di cos, cantidad di alivio, un progreso sin discusion bao
maneho di gobierno di MEP pero tur loke Prome Minister y Minister di Finansas ta pidi,
ta pa pueblo tin pasenshi, pa pueblo compronde cu cosnan tin cu bira hopi malo prome
cu cos bira bon.
Un Prome Minister cu a para na porta di refineria y grita di ora zero, cu su primo
Minister Glenbert Croes a logra cu gobierno Venezolano a bay di acuerdo pa sostene e
plan di reapertura di e refineria, awor ta haciendo ningun esfuerso pa logra reapertura
