Page 24 - KPA

Prome Minister Mike Eman a dedica un mencion special durante e conferencia di prensa
cu a duna dialuna atardi.

E ta dirigi n’e ploegnan di Departamento di Obra Publico (DOW) y di Serlimar cu for di
dialuna mainta y tur e dianan aki lo ta realisando trabounan di limpiesa n’e beach di e
diferente boca na costa nort.

‘Esaki ta un variacion di nan trabou y nos a mira cu nan ta haci’e cu hopi dedicacion y
amor pa haci nos isla limpi,’ asina Premier Eman a expresa.

Minister President a splica cu tin ploegnan trahando hunto cu Park Rangers di Parke
Nacional Arikok na California, Boca Druif, Boca di Pos, Boca Chikito, Wariruri, Budui,
Natural Bridge, Dos Playa, Boca Prins, Rincon y Boca Grandi.