Page 95 - KPA
P. 95
Mas di un persona involucra den
tiroteo na Rotterdam
29 May, 2017
0
ROTTERDAM, Hulanda- Diadomingo a tuma luga un tiroteo den e bario di
Ommoord, na Rotterdam caminda cu un homber di 21 aña a fayece a
consecuencia di e heridanan ricibi.
Testigonan a declara na polis cu nan a wak por lo menos dos persona subi auto
y huy for di e sitio, despues di e tiroteo.
Polis a encarga binti recherche pa cu e investigacion di e caso aki. A pesar di e
esfuerso di polisnan, e malhechornan a logra huy toch. Un auto uza pa e
malhechornan a wordo haya despues na Zernikeplaats, cerca di unda e victima
a perde su bida.
E prome melding a drenta diadomingo anochi, pa mas o menos 22.15. E victima
tabata cu algun amigo tabata sinta pafo di e vivienda, unda cu e victima tabata
di bishita. Personal di ambulance a purba traha cun’e, pero esaki tabata envano.
