Page 11 - KPA

Atracadornan ta pone arma di candela na cabes

di señora di 70aña, den su cas

2 days ago 0 3,165 Views
Lago Heightsstraat – Diamars marduga den careda di 1’or warda di polis na San Nicolas ta haya
yamada cu un atraco arma a tuma luga na un cas situa den Lago Heightsstraat.
Mes ora a manda un patruya pa e cas.
Na yegada agentenan ta haya un señora di 70aña hopi emociona y tawata sinti su mes malo.
E señora di edad a conta cu e tawata drumi y dado momento a wordo lanta y a sinti algo friew na
su cabes. Esaki tawata momento cu e atracadornan a pone un arma di candela na su cabes.
Loke e por a wak ta cu un ta color scur y e otro bruin, ambos cu Ski Mask bisti.
E atracadornan a bay cu placa joyas cellularnan, segun e señora nan a purba bay cu un television
pero esaki no a logra.
Ambulance a wordo pidi na e adres pa controla e señora cu ta diabetico, pero e no a desea di
wordo hiba Imsan.
Ambos atracador ta papia bon ingles.
Instancianan concerni manera atraco team slachtofferhulp y departamento tecnico di polis a
presenta na e adres den oranan di marduga di diamars pa haci un investigacion profundo, di e
caso lamentabel aki.