Page 27 - HOH_Neat

AZV ta un reto hopi grandi. Tin hopi critica den comunidad. AZV tin un director nobo, cu
segun e mandatario ta un persona hopi dinamico, cu a sali for di sector priva, cu a
drenta cu hopi energia pa trece e cambio necesario. Como gobierno, nan tin un vision
cu nan ta desea pa worde ehecuta.

A sinta na varios ocasion caba, cu e director nobo, splik’e kico nan kier mira como
cambio den AZV. Un di e cambionan ta e ley di AZV, cu ta data di añanan 1990. Niun
gobierno no a mishi cu e ley, pero despues di 2 decada ta bon pa trece cambio den e

ley na beneficio di comunidad. Algo cu kier ta pa percura pa trece mas specialista na
Aruba mes, enbes di manda pashent cada biaha pa Colombia, mester zorg pa tin e
specialistanan den cas.

Tin un Manpower Planning cu a pidi AZV, cohuntamente cu e specialistanan y hospital,
awo ministerio di Salud sa kico Aruba como pais mester na specialistanan pa reduci e
tempo di espera, pa logra manda menos pashent afo. Esaki ta pisa hopi ariba e
presupuesto di AZV.

Retonan ta grandi, pero nan tabata tin un bon relacion cu Sr. Ringeling y tambe e
director nobo. Hunto lo bay traha pa mehora e servicio cu AZV ta duna na comunidad y
tambe mehora e cuido cu esey ta e meta final di gobierno di Aruba.

Mas aleu, e minister a bisa di tin un control mas stringente ariba esunnan cu ta duna
servicio. No por cambia mundo den apenas algun luna. E prome stap ta pa tin un miho
control cu dokternan di cas ta duna na e aseguradonan. A introduci un app cu pronto lo

bay Live y asina e comunidad, e asegurado ta haya un tool cu e por rate na e servicio
cu ta duna.

Basa ariba e rating ey, AZV como e dunado di trabao, lo sinta hunto cu e dotker, luna

tras di luna, e rating no ta uno positivo, lo sinta cu e dokternan e pakico e rating no ta
positivo. Tambe kier un miho control ariba servicio cu e specialistanan ta duna na tur
pashente. Awendia rednan social, tur hende cu no ta contento, cu e cuido cu nan no a
haya, nan ta pone ariba red social y gobierno ta tuma nota di e kehonan. No por bisa cu

ta soluciona tur problema, pero ta haciendo e maximo esfuerso pa mehora e cuido.

http://www.diario.aw/2018/09/dangui-oduber-mustrando-cu-reto-di-azv-ta-pa-duna-un-
miho-calidad-di-servici