Page 46 - HOH

Lito Lacle, vocero di Cuerpo Policial, a splica cu nan a tene un control na dicho

supermercado, hunto cu Salubridad Publico. E tarea di polis eynan tabata mas bien como

“sterke arm” y tambe algun agente cu ta den opleiding cu ta bezig cu nan proyectonan.

A bin constata manera ya indica, algun producto cu a expira y pa motibo di higiena e

supermercado a keda cera pa 24 ora.

Diaranson mainta 10’or nan lo haci control bek den e supermercado, pa mira cu tur
limpiesa a wordo haci di e productonan cu a expira y tene debido control riba higiena

tambe, pa wak si ta habri’e, of ta tene mas largo cera.

Lacle a sigui splica cu tin diferente proyecto andando den e diferente districtonan. E

controlnan ta sigui. Durante dia lo sigui cu mas control.

Si DVG constata cosnan asina, ta bay over na cera e luga pa nan haci e limpiesa necesario

y pa nan kita e productonan necesario pa asina nan compania por sigui draai.

BOET

A cuminsa traha awor aki riba e parti di avisa nan. Si nan no ta cumpli como debe ser, ta

bay over riba e parti represivo. Si un consumidor bay den un supermercado y mira cu

algo a expira, nan por avisa riba esaki.

Awor aki nan ta bezig cu districto di Oranjestad. Si wak bon, Bo Wah ta cay den districto

di Oranjestad. Pa cualkier districto si constata cu tin algo cu no ta na su luga, meld na e

wardanan. Departamentonan encarga cu controla esakinan yama Sectie Bijzonder

Verordening di cada districto, por bin y haci su control y bay over, hunto cu DVG pa cera

e luga.