Page 3 - Djaluna 27 ougustus 2018.pdf

Djaluna 27 Ougùstùs 2018 3
Mañan

bankarota di
Veneto trata
den korte
WILLEMSTAD.- Mañan
lo ta un dia importante
pa loke ta trata futuro di
Veneto Hotel, Casino i tambe
Denny’ s Restorant.
Mayan ta e dia kaminda
lo trata e kaso di bankarota
di Veneto Hotel & Casino i
tambe Denny’s Restorant.
Mas ku 180 tratado lo bai
keda representá pa abogado
mr. Lizanne Asjes den korte.
Ya ta konosí ku algun
siman atras e empleadonan
i sindikato Horecaf a tuma
e desishon pa bai entamá
un kaso den korte ku e
meta pa logra bankarota
di Veneto i tambe pa kobra
e plaka di sesantia ku nan
tin derecho di dje. Destino di
Veneto a kue un rumbo hopi
mas pió despues ku siman
pasa e kompania di utilidat
lokal, Aqualectra a bolbe
deskonektá tantu koriente
komo awa e biaha aki tambe
for di Veneto Hotel, Casino.
i tambe Denny’s Restorant.
Na kuminsamentu di
luna di yüli, tambe tabatin
un situashon similar
kaminda ku Aqualectra
a deskonektá solamente
koriente. No a dura muchu
ku empleadonan a pone
trabou abou pa algun dia
debí na falta di pago.
E situashon ku a
presentá siman pasa a pone
ku algu mas ku 30 turista
mester a keda saka for di
e hotèl miéntras ku ofisina
di turismo a sòru pa nan a
keda aloká na un otro hotèl.
Pa loke ta e empleadonan,
tur a keda manda kas te ku
un próksimo aviso. Mayan
sindikato Horecaf ta spera
tur trahadó 15:00pm na
Parke Alameda pa asina pa
mitar di kuater por drenta
sala di korte pa e kaso por
tuma lugá. No tin espasio
pa tur hende, pero esnan
ku drenta lo bin pafó bek
i partisipá na e otronan
resultado di e kaso huntu
ku Sindikato Horecaf.