Page 2 - AM190914
P. 2
2 AWEMainta Diasabra, 14 september 2019
“No hunga cu nos pan”
Mensahe manda pa Gobierno y Parlamento
PRACTICAMENTE tur trahador di tur compania subsidiario di
Meta Corp a yega te dilanti di Parlamento, unda un carta di tur e tra-
hadornan a keda entrega na Presidente di Parlamento, Ady Thijsen pa
expresa nan preocupacion pa cu e cambio ley di Serlimar cu ta na Par-
lamento.
E persona asigna pa entrega e carta ta Julio Wever. Den e carta aki e
trahadornan ta preocupa cu nan cubo di trabao cu ta na peliger, si e ley
aki mester keda aproba.
Maske cu e trahadornan cu permiso di gerencia di e companianan a
presenta cu tur equipo, trucknan pisa dilanti di Bestuurskantoor como
Parlamento, mientras cu gerencia a percura pa tin transporta di esnan
cu kier a bay manifesta. E manifestacion tabata grandi. E grito tabata:
No Hunga cu nos pan”.
CRISIS SERIO
E Gobierno aki den su periodo di gobernacion a bin hay’e den crisis serio
di accion. Accion pariba, accion pabao, accion panort y accion pazuid.
Despues cu Douane, Polis cu a walk-out y Serlimar a tene su accion, cu
tabata uno orkestra pe propio Minister.
Ayera tabata turno na un grupo di maestro y trahadornan di MetaCorp
pa protesta. Dos grupo cu ta tene nan accion riba nan mes, esta separa
di otro, pero cu tin si, e mesun meta, esta di defende nan derecho y
bringa pa nan existencia.
E grupo di maestro ta malcontento cu maneho di Minister di Enseñansa
Rudy Lampe, y e trahadornan di MetaCorp, ta malcontento cu e maneho
di Minister Otmar Oduber, kende segun e trahadornan, ta perhudicando
existencia di por lo menos 3 di e companianan cu ta cay bou di MetaCorp
dor di pasa un ley pa Serlimar aki 10 dia.
Cu e accionnan di ayera, e ta cera un siman turbulento, unda cu tin hopi
malcontento den comunidad, dirigi contra e gobernantenan actual.
Sin lubida e Town Hall Meeting di Camara di Comerio, unda mayoria
comerciante tambe a mustra nan malcontento cu Gobierno su inten-
cionnan. Nan no a subi caya, pero si a mustra cu di negoshi keda sin
paga BBO pa dos luna largo, cu Gobierno no por soporta esaki y lo cay.
