Page 7 - MIN VOS_Neat

Exitoso torneo di beach volleyball di AVA hunto cu IBISA y
Universidad di Aruba na Eagle Beach

Tuesday, 02 May 2017 09:16
Comparti

E dianan 29 y 30 di april, Aruba Volleyball Association, IBiSA y UA a organisa un torneo di beach
volleyball pa scolnan secundario como tambe pa nan propio miembronan di A.V.A. Mester bisa cu e
torneo sin duda tabata uno exitoso mirando e cantidad di participante cu a presenta na e dos dianan di e
torneo.

E ekiponan di scol a hunga cuater contra cuater mientras esnnan cu a competi bou di e capa di AVA a
hunga 2 contra 2, esaki den e categorianan femenino y masculino. Pa loke ta e resultado final nos tin cu
bisa cu den e division di cabayero, Elmerlindo Robles de Medina y Dwayne Angela a gana torneo di beach
volleyball. Nan a enfrenta 5 difrente ekipo y a triunfa contra tur pa a lo largo bira e ganador maximo di e
torneo di beach volleyball invicto. Den e parti femenino Kayla Arends y Shaira Mackay a bira campeon di
torneo di beach volleyball di AVA. Mescos den e division di cabayero, Kayla y Shaira a bira campeon
invicto, pues sin perde un wega. E resultado di e scolnan secundario participante ta como los siguiente.
Den e division Femenino nos tin na prome lugar Filomena College 1 y na di dos lugar Filomena College 2.
Den e e division masculine nos tin na prome lugar St. Augustinus College y na di dos lugar a termina
Filomena College Un danki sigur na Lotto, e Loteria di Aruba pa medio di Comision di Subsidio cu a yuda
subsidia e torneo di beach volleyball di AVA Cumprando weganan di Lotto, e Loteria di Aruba bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e Comision di
Subsidio.