Page 77 - ECEM JAN 18

Otmar Oduber a haci un suplica na Gobierno pa duna mas
plazo pa paga number di auto na esnan cu ta core autobus,

taxi y tracker

Tuesday, 17 January 2017 19:30
Comparti

Diamars mainta, Otmar Oduber di plataforma politico POR a haci un suplica hopi grandi na
gobierno di Sr. Mike Eman pa duna mas plazo pa paga number di auto pa tur esnan cu ta core
autobus, tracker y taxi.
El a bisa cu pa hopi aña a atende pa beneficio di taxistanan, autobusnan y tourbusnan
wordo regla. A logra cambia varios aspecto y introduci otronan pa nan beneficio.
Lamentablemente Oduber a tuma nota y a haya un cantidad di yamada di
chauffeurnan di autobus, di taxi y trackernan bisando cu nan ta considera un abuzo lo
cual ta tumando lugar caminda cu kier cobra e grupo aki nan number di auto den un
solo paga.
Otmar Oduber a scuha e hendenan aki expresa nan dolor, un di nan 2or di marduga
cu a bise cu e ora ey el a caba di traha ycu e tin cu traha proximo 1 pa 2 siman por lo
menos dobbel shift pa e por paga su number di auto. Otro a bisa cu e mester bay para
e autobus pasobra e no tin e placa na e momentonan aki pa por paga e number di auto
den un solo shot. Anteriormente nan por a parti e pago y realiza esaki na un forma
mas husto y humano.
“Paga 600 y pico, 900 y pico y hasta mil y pico Florin cu nan mester paga den un
solo pago ta un abuzo y pesey mi kier haci un yamada na e Gobierno aki pa por fabor
reconsidera e decision aki di hendenan humilde, hendenan cu ta traha hopi duro,
hendenan cu tin cu paga nan mesun AZV, nan mesun BBO y tin cu cubri nan
gastonan”, Otmar Oduber a bisa den conferencia di prensa.
E ta di opinion cu dunando tempo por haci cambionan, pero mester duna un periodo
di gracia pa e hendenan por prepara nan mes, por ehempel 1 aña pa nan por ta
prepara y spaar e placa pa por paga nan number di auto den un solo biaha. Pero no na

e forma ad hoc y inhumano cu mester paga 1200 Florin den un solo biaha.
Oduber a bisa cu e maneho cu semper tabatin ta uno di flexibiliza, incentiva y
suaviza e gastonan di e gruponan aki pa awor mira loke ta tuma lugar, sin cu tin e

necesidad.
El a indica cu e ta spera cu Gobierno reconsidera e posicion tuma y cambia esaki mas