Page 14 - AWEMAINTA

14
Gamma IT Solutions hunto cu Futura ta
tene un coding workshop pa muchanan
AWEMainta Diamars, 23 juli 2019
DIAHUEBS, 18 juli y diabierna, 19 juli
ultimo a tuma lugar na Gamma IT Solutions
dos dia di coding workshop. E coding work-
shop aki a wordo organisa dor di Futura cu
t’e Innovation Lab di Gobierno.
E coding workshop tabata especialmente pa
muchanan entre 10-12 aña. Durante e dos
dianan aki 40 mucha a ricibi un workshop di
coding basico basa riba weganan popular. Di
e manera aki e muchanan por a siña e logica
tras di coding.
E workshop a wordo treci dilanti dor di 4 em-
pleado di Gamma IT Solutions cu ta Giovanni
Wester, Application Support Engineer, Jose
de Jesus, Software Developer y Tester, Clif-
ford Croes, Software Engineer y Teiry Croes,
Marketing Manager.
Diabierna 19 juli, Prome Minister Evelyn
Wever-Croes a pasa bishita e coding work-
shop y a combersa cu e muchanan presente.
Na final e muchanan a ricibi un certificado di
participacion na e coding workshop.
Gamma IT Solutions ta sumamente contento
di por a partner up cu Futura pa trece e cod-
ing workshop aki p’e muchanan.
Teiry Croes ta comenta: “Na april 2018 nos
a cuminsa cu coding classes pa hobenan di
Aruba y esaki tabata hopi exitoso, dus nos a
sigi organisa mas coding classes.
Nos ta hopi entusiasma p’e interes di parti
di mucha y hobenan na Aruba p’e mundo di
IT y nos kier sigi promove IT den nos comu-
nidad.
Nos ta sumamente contento ora nos por tra-
ha hunto cu otro organisacionnan pa logra
esaki. Nos ta duna un danki na Futura pa
bati na nos porta pa haci esaki posibel.”
Gamma IT Solutions lo sigi ofrece curso y
workshops di coding gratis pa mucha y ho-
bennan. Esaki lo wordo anuncia riba e Face-
book page di Gamma IT Solutions.