Page 63 - AVP

Lider Di Fraccion Di AVP, Marlon Sneek: RdA A Bira

Awor Herencia Di Sponsornan Y Famia Croes

 Politica
- 11/09/2019

Fraccion di AVP pa algun tempo caba a bin ta mustra cu Gabinete Wever Croes ta
decidido pa no mira reapertura di e refineria di San Nicolas keda realisa, ya cu tin
interesnan grandi cu sponsor- y famianan ta luchando pa haya for di e proyecto aki.

Lider di fraccion di AVP den Parlamento, Marlon Sneek a señala cu e prome gran meta
den e proceso aki, a wordo logra pa Prome Minister, kende ta responsabel p’e refineria,
ora cu Director di RdA, sr Alvin Koolman, a entrega su retiro na Prome Minister.

“Nos di fraccion di AVP a bin ta mustrando riba e desaroyonan cu tin den e refineria pa
algun tempo caba, caminda e lucha di Gabinete Wever Croes, no tabata pa logra
reapartura di e refineria, pero con ta parti e diferente sectornan cu si ta gana placa como
empresa di Gobierno.

E..o e FMSA cu ta encarga p’e proceso di fuel avionnan grandi na Aeropuerto, a bira e
centro di e lucha grandi entre sponsornan di campaña e partidonan MEP y POR y awor cu
a logra cu Director Koolman a dicidi di bula afo, e lucha p’e compania aki ta cuminsa den
tur su gloria.