Page 82 - AVP

Minister Otmar Oduber Ta Manda: DOW Pa Destrui

Propiedad Di Amigo, Un Ex Fiel Campañador

 Politica
- 11/09/2019

Ningun hende por a kere loke cu Minister Otmar Oduber a dicidi manda DOW y DIP pa
kibra un bunita kiosko na Eagle Beach, cu ta wordo maneha pa un amigo, un campañador
di su persona, pero kende aparentemente a bira enemigo di e Minister. Dicon, ningun
hende por splica.

Cu e ultimo actonan aki, Minister Otmar Oduber sigur a bira e persona mas oida na
Aruba y por a mira esaki den wowo di Buchi Wernet, kende hasta a manda un mensahe
p’e mandatario.

Bushi Wernet, kende hunto cu su señora ta conoci como trahadornan duro, a mira con
parti di nan inversion lo wordo destrui. Un kiosko cu Buchi Wernet mas bien a drecha,
evita mas ladronicia den su negoshi, mas sushedad banda di laman, cu ta ser frecuenta pa
tanto turista.

Manera por a tende comentario di e.o. esaki t’e realidad di awe aki na Aruba y unda cu
nos por mira con politica ta persigi tur hende cu no ta di acuerdo cu Minister.