Page 8 - AWEMAINTA

8 AWEMainta Diahuebs, 14 Maart 2019

AVP a convoca Manifestacion Nacional pa dia 12 di april

DEN un Cas di Partido sumamente yen, a tuma lugar un reunion
extraordinario cu tur activista, lider di bario, simpatisante, Parlamen-

tario y demas miembronan di AVP, p’asina convoca un Manifestacion
Nacional dia 12 di april proximo.

Lider di AVP, Mike Eman, a expresa cu ta un masa sumamente grandi
a presenta na Cas di Partido.

Tabata un reunion cu dirigentenan di bario y activistanan pa tuma un
decision riba un manifestacion, cu t’e deseo di e pueblo aki.

“Awe un masa grandi di e pueblo cu a acudi na Cas di Partido, for di

San Nicolas, Savaneta, Pos Chikito, Santa Cruz, Madiki, Noord, Pie-
dra Plat, tur dirigente di e barionan aki, cu nan ta sostene un mani-

festacion, nan kier un eleccion nobo.
Pasobra e eleccion tabata basa riba un engaño electoral cu tabatin. Du-

rante di e eleccion a priminti hopi cos y awe ta resulta di tabata prome-
sanan falso y basa riba esey, awe a haya mandato pa dia 12 di april,

organisa un manifestacion nacional nunca bisto den historia di Aruba,
cu ta bay libra Aruba di e gobernacion aki y ta bay pone Aruba den

man atrobe di e pueblo aki, cu un eleccion nobo”, segun Mike Eman.

PUBLICO
Segun Eman, e cosnan di mas grandi ta, e engaño electoral. E pueblo

a sinti cu hopi promesa a wordo haci basa riba cual algun hende por
a pensa cu nan a duna e Gobierno aki un oportunidad cu ta bay baha

edad di pensioen, cu ta bay baha prijs di gasolin, cu ta bay baha prijs
di awa y coriente, cu no ta bin medida y tur e cosnan aki tabata un

engaño.
Esey ta nifica cu e Gobierno aki no tin mandato, no tin legitimidad y

esey ta haci cu loke tin constitucionalmente, yama un “kiezersbedrog”
y a base di un “kiezersbedrog” constitucionalmente pueblo por exigi

un eleccion nobo y esey ta loke e pueblo kier, pasobra e no kier sigui
subi.

Costo di bida, privilegio di amigo y familiarnan ta sosodiendo tur dia,

a base di medidanan, pa enrikece e gobernantenan aki, creando un
paraiso pa nan mes y creando un fierno p’e pueblo aki y e pueblo aki

mester wordo libra di e fierno aki, cu yama Gabinete Wever-Croes.

SATISFECHO
Eman a expresa cu e satisfaccion ta enorme. A haci invitacion dialuna y

tur e salanan di cas di partido no tabata tin lugar. E sala grandi tabata
full yen, bar ta yen, sala chikito, mediano, pafo, pueblo a responde en

grandi.
Esey ta nifica cu e manifestacion aki ta bay ta e manifestacion mas

grandi den historia di pais Aruba.
E partido di mas grandi cu e dirigentenan di mayor cantidad di voto a

presenta hunto cu e organisacion di partido.