Page 59 - AHATA

comercial. Sugerencia di Comercio no ta pa gobierno no tuma medida necesario pero pa
tene cuenta cu e gastonan pa comercio.”

Esaki ta loke a wordo treci atrobe dilanti na DIARIO, cu atrobe a comprende cu cambio

di administracion na e momentonan aki ta algo dificil pa comercio.

Cada gasto extra cu comercio carga ta un peso mas den un situacion sumamente dificil
cu mundo empresarial ta pasa aden.

“Comercio ta conoci cu e desaroyo di e crisis y for di 2014 a presenta alternativanan cu
awor nos a bolbe trece dilanti. No ta Comercio a ocasiona loke ta pasa na Aruba. Mas
bien Comercio na varios ocasion a adverti y a bini cu sugerencianan hopi importante

dilanti,” a wordo mustra na DIARIO.

Na e momentonan aki sigur e empresanan chikito no por soporta loke e cambio di pago
di BBO lo trece y si inclui BBO ta bira mucho mas dificil pa negoshinan chikito por

adapta na e exigencianan, a wordo indica.

Den Comercio y cerca personanan cu ta traha den e ramo administrativo tin un sosten
hopi grandi pa BBO wordo poni na forma separa di e suma total di pago riba recibonan.

“E solucion pa Aruba mester wordo logra hunto y mester scucha Comercio cu den
practica ta atende cu e parti mas dificil di e crisis actual,” a wordo treci dilanti.

https://www.diario.aw/2019/09/hopi-sosten-pa-bbo-separa-di-pago-total/