Page 27 - AWEMAINTA

Diaranson, 3 October 2018 AWEMainta Deporte 27

Stichting Sportsubsidie Aruba ta felicita

Vera-Elise Bakmeyer y Christiaan Jansen cu nan

di 5 lugar den Carifta Triathlon & Aquathlon

Championship na Trinidad and Tobago

DEN e fin di siman tras di lomba, e hoben delega-

cion di triathlon a competi na Trinidad and Tobago

den e campeonato di Carifta unda a topa e mihor
tri-atletanan di Caribe den nan edad. Mester bisa

cu nos muchanan a logra haci un tremendo papel
den e campeonato aki unda e nivel tabata halti-

simo.

Mayoria di nos muchanan a participa pa prome
biaha na campeonato aki. Den e standing final di

paisnan participante, Aruba ta sali na di 7 lugar di

e 11 paisnan.

Diasabra a competi n’e disciplina di triathlon,

mientras pa su mañan diadomingo tabatin riba pro-
grama aquathlon sinembargo e organisadornan no

por a completa e competencia di aquathlon esaki
debi na lama bruto y eynan a opta pa core e distan-

cia na pia y laga e parti di landamento afor.

E dos hobennan Vera-Elise Bakmeyer y Christiaan
Jansen a logra subi podium na Trinidad and To-

bago. E hobencita Vera-Elise Bakmeyer a logra sali
na un di 5 lugar den e campeonato di coremento e

diadomingo, mientras cu e diasabra e hoben Chris-

tiaan Jansen a logra un di cinco lugar mescos Vera-
Elise pero e biaha aki den e triathlon 11 – 12 aña.

Mester bisa cu tur nos otro representantenan

Aleeza Semeleer, Rylan Semeleer, Justin Morales
y Rebecca Jansen a logra un tremendo papel den

e campeonato di Carifta Triathlon & Aquathlon

Championship.

No tin duda cu esaki ta simplemente e prome paso
den e direccion corecto, participacion internacional

ta un nesecidad pa midi e nivel di nos atletanan.

Awor nos muchanan, coach y mayornan sa cu e
competencia eyfo (den Caribe) no ta facil y si kier

tin logro nos mester traha mas duro ainda.
Un palabra di pabien na henter e delegacion di

Aruba Triathlon Association.