Page 22 - AWEMAINTA

22 AWEMainta Diabierna, 4 October 2019

Biba Bida a celebra Dia Internacional di Hende Grandi

DIA 1 di october, Biba Bida a celebra hunto cu 200 invitado,
Dia Internacional di Hende Grandi den Ballroom di Marriott

Hotel & Stellaris Casino.

E programa Biba Bida ta un programa di Cruz Cora Aruba spe-
cialmente pa nos grandinan riba 65 aña.

Normalmente cada pasa un luna, tin un mainta den un bario

pa promove movecion y salud, ta duna charla informativo cu
topiconan interesante pa nos grandinan, combina cu musica y

ambiente.

Asina tambe a celebra Dia Internacional di Hende Grandi di

un forma diferente; a planea un fiesta bailable special pa nan
adapta na un orario facil pa nan, esta 4.30pm-8.30pm. Nan a

disfruta di e tremendo repertorio musical di Robert Jeandor y

Su Solo Banda Show.
Biba Bida a invita 200 persona riba 65 aña p’e fiesta aki via

rednan social, radio y corant. Tur ticket a wordo busca den e
prome siman di promocion, mustrando asina cu e grandinan

tabata contento cu e invitacion. Y esaki por a ripara henter e

fiesta, pista di baile tabata constantemente yen!

Cruz Cora Aruba kier gradici tur cu a acudi n’e invitación y bin

disfruta di e fiesta y tambe na tur cu a participa pa duna infor-
mación na nos grandinan: Kosmetikos Aruba, Cas Marie, Na-

ture’s Discount, Zilverzorg Aruba, One Touch Response y Tai

Chi Society!
N’e team di Marriott, un danki special p’e atencion cu nos invi-

tadonan y e esfuerzo y entusiasmo! Tambe kier gradici e bishita
di Tica Basha Bou cu a bin busca Shi Prèke, pero nan no a

topa. Masha masha danki! Biba Bida ta preparando pa bishita

Paradera pronto, por “Like” page di Red Cross Aruba riba Face-
book pa sigui tur movecion di Biba Bida y tambe den medionan

di comunicacion convencional.